താരദമ്പതികളായ ജോൺ കൊക്കനും ഭാര്യ പൂജ രാമചന്ദ്രനും പിറന്നാൾ ആഘോഷത്തിന്റെ തിരക്കിലാണ്. മാലിദ്വീപിലാണ് ഇരുവരും തങ്ങളുടെ പിറന്നാൾ മാസം ചിലവിടുന്നത്. അവധി ആഘോഷത്തിന്റെ ചിത്രങ്ങൾ ജോൺ തന്റെ സോഷ്യൽമീഡിയ പേജുകളിൽ പങ്കുവച്ചിട്ടുണ്ട്. 

ബാഹുബലി, വീരം, കെജിഎഫ്, ടിയാൻ തുടങ്ങി നിരവധി ചിത്രങ്ങളിലൂടെ മലയാളം, തമിഴ്, തെലുങ്ക്, കന്നഡ ചിത്രങ്ങളിൽ സജീവ സാന്നിധ്യമാണ് ജോൺ. പൂജയാകട്ടെ ടെലിവിഷൻ അവതാരകയായി എത്തിയ ശേഷമാണ് സിനിമയിലേക്ക് കടന്നത്. പിസ, കാഞ്ചന 2 തുടങ്ങിയ ചിത്രങ്ങളിലൂടെ പൂജ ശ്രദ്ധേയയായി. 

നടി മീര വാസുദേവനുമായുള്ള ബന്ധം വേർപിരിഞ്ഞ ശേഷമാണ് ജോൺ പൂജയെ വിവാഹം ചെയ്യുന്നത്. അവതാരകനായിരുന്ന ക്രെയ്ഗ് ആണ് പൂജയുടെ ആദ്യ ഭർത്താവ്. 2017ല്‍ ക്രെയ്ഗുമായുള്ള ബന്ധം വേർപിരിഞ്ഞ പൂജ കഴിഞ്ഞ വർഷം ജോണിനെ വിവാഹം ചെയ്തു.