ഇരുപത് വർഷങ്ങൾക്ക് ശേഷം ആകാശ​ഗം​ഗ വീണ്ടും അണിയറയിൽ ഒരുങ്ങിക്കഴിഞ്ഞു. ഒരു തലമുറയുടെ ഏറ്റവും വലിയ നൊസ്റ്റാള്‍ജിയകളില്‍  ഒന്നായ ചിത്രം വീണ്ടുമെത്തുമ്പോൾ പ്രേക്ഷകരെ അത്രയേറെ പിടിച്ചിരുത്തിയ ചിത്രത്തിലെ ​ഗാനവും ഒപ്പമുണ്ട്. ‘പുതുമഴയായി വന്നൂ നീ’ മറ്റൊരു പ്രേത ചിത്രത്തിലെ ​ഗാനവും മലയാളികളെ ഇത്രയധികം പേടിപ്പിച്ചിട്ടുണ്ടാകില്ല, 

ആദ്യ ഭാ​ഗത്തിൽ ​ഗാനം ഒരുക്കിയ ബേണി ഇഗ്നേഷ്യസ് തന്നെയാണ് ആകാശ​ഗം​ഗ 2വിനായി ​ഗാനം റീമിക്‌സ് ചെയ്തിരിക്കുന്നത്. ആകാശഗംഗയിലെ നായകന്‍ റിയാസിന്റെ ഭാര്യ ഷബ്‌നമാണ് റീമിക്സ് വേർഷൻ ആലപിച്ചിരിക്കുന്നത്. ചിത്രയാണ് യഥാർത്ഥ ​ഗാനം ആലപിച്ചിരുന്നത്. 

ഇരുപത് വര്‍ഷം മുന്‍പ് ആകാശഗംഗ ഷൂട്ട് ചെയ്ത വെള്ളിനേഴി ഒളപ്പമണ്ണ മനയില്‍ തന്നെയാണ് ആകാശഗംഗ 2 ചിത്രീകരിച്ചിരിക്കുന്നത്. 1999ല്‍ പുറത്തിറങ്ങിയ ഒന്നാം ഭാഗത്തിന് ബെന്നി പി നായരംബലമായിരുന്നു തിരക്കഥയെഴുതിയിരിക്കുന്നത്. ദിവ്യ ഉണ്ണി, റിയാസ്, മുകേഷ്, മയൂരി, മധുപാല്‍ തുടങ്ങിയവരായിരുന്നു അഭിനയിച്ചത്.

വിനയന്റെ മകന്‍ വിഷ്ണു വിനയ് നായകനായെത്തുന്ന ആകാശ​ഗം​ഗ 2ല്‍ പുതുമുഖം ആരതിയാണ് നായികയായെത്തുന്നത്. രമ്യ കൃഷ്ണന്‍, ശ്രീനാഥ് ഭാസി, വിഷ്ണു ഗോവിന്ദ്, സലിം കുമാര്‍, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി, പ്രവീണ, തെസ്‌നി ഖാന്‍, രാജാമണി, ഹരീഷ് പേരടി, സുനില്‍ സുഗത, ഇടവേള ബാബു, റിയാസ്, സാജു കൊടിയന്‍, നസീര്‍ സംക്രാന്തി,  വത്സലാ മേനോന്‍, ശരണ്യ, കനകലത, നിഹാരിക എന്നിവരാണ് ചിത്രത്തിലെ മറ്റ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്.