ഇറ്റലിയില്‍ അവധിക്കാലം ആഘോഷിക്കുന്ന പ്രിയങ്കാ ചോപ്രയുടെയും നിക് ജോനാസിന്റെയും ചിത്രങ്ങളും വീഡിയോകളും ഏറ്റെടുത്ത് ആരാധകര്‍. ഇരുവരുടെയും ചിത്രങ്ങളും വിഡിയോയും ആരാധകര്‍ ഏറ്റെടുക്കാറുമുണ്ട്. ഏറ്റവും ഒടുവില്‍ പ്രിയങ്കയുടെയും നിക്കിന്റെയും ഡാന്‍സ് വിഡിയോയാണ് സമൂഹമാധ്യമങ്ങളില്‍ വൈറലാകുന്നത്.  

സൂര്യസ്തമയത്തിലുള്ള ഇരുവരുടെയും റൊമാന്റിക് ഡാന്‍സാണ് ആരാധകര്‍ ഏറ്റെടുത്തത്. ശാന്തമായി ഒഴുകിയെത്തുന്ന സംഗീതത്തിനാണ് പ്രിയങ്കയുടെയും നിക്കിന്റെയും ചുവടുവെപ്പ്. നിക് ജോനാസ് തന്നെയാണ് വിഡിയോ സമൂഹമാധ്യമങ്ങളിലൂടെ പങ്കുവച്ചത്. നിക് പങ്കുവച്ച വിഡിയോക്ക് താഴെ കമന്റുകളുമായി ആരാധരും എത്തി. 'ഇരുവരുടെയും പ്രണയം എന്നും ഇത്രയും മധുരമുള്ളതാകട്ടെ' എന്നാണ് കമന്റുകള്‍. 

നേരത്തെ പ്രിയങ്കയുടെ പാചക പരീക്ഷണത്തിന്റെ വിഡിയോയും നിക് ജോനാസ് പങ്കുവച്ചിരുന്നു. ഇറ്റലിയില്‍ അവധിക്കാലം ചിലവഴിക്കുകയാണ് ഇരുവരും. കഴിഞ്ഞ വര്‍ഷം ഒടുവിലായിരുന്നു ഇരുവരുടെയും വിവാഹം.