ദുബായ്: പ്രായപൂര്ത്തിയാവാത്ത പെണ്കുട്ടിക്ക് അശ്ലീല ചിത്രം അയച്ചതിന് ബോളിവുഡ് ഗായകന് മിക്ക സിങ് ദുബായില് പിടിയില്. ബ്രസീലുകാരിയായ 17കാരിയുടെ പരാതിയില് മിക്ക സിങ് അബുദാബി ജയിലിലാണ്.
വാട്സ്ആപ്പ് വഴി മിക്ക സിങ് പെണ്കുട്ടിക്ക് അശ്ലീല ചിത്രം അയച്ചു എന്നതാണ് പരാതിക്ക് ആധാരം. കൂടാതെ ഗായകന്റെ ഭാഗത്ത് നിന്നും ലൈംഗിക ദുഷ്പെരുമാറ്റം ഉണ്ടായതായും പെണ്കുട്ടി ആരോപിക്കുന്നു. സംഗീതപരിപാടിയുടെ ഭാഗമായാണ് മിക്ക സിങ് ദുബായില് എത്തിയത്.
മിക്ക സിങിനെ ഇതുവരെ കോടതിയില് ഹാജരാക്കിയിട്ടില്ല എന്നാണ് റിപ്പോര്ട്ടുകള്. 2018ലെ മസാല അവാര്ഡില് പങ്കെടുക്കാന് ഇന്ത്യയിലേക്ക് തിരിച്ചുവരാന് ഇരിക്കേയാണ് ദുബായ് പൊലീസിന്റെ പിടിയിലായത്. വര്ഷങ്ങള്ക്ക് മുന്പ് നടി രാഖി സാവന്തിനെ ബലംപ്രയോഗിച്ച് മിക്ക സിങ് ചുംബിച്ചത് അന്ന് വന്വിവാദമായിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates