നടനും സംവിധായകനുമായ ലാലിന്റെ വേഷപകര്ച്ച തന്നെയാണ് ചന്ദ്രഗിരി എന്ന ചിത്രത്തേ ശ്രദ്ധേയമാക്കുന്നത്. തലപ്പാവ്, അയാള്, ഒഴിമുറി തുടങ്ങിയ സിനിമകളിലെ ശക്തമായ കഥാപാത്രങ്ങൾക്ക് ശേഷം മറ്റൊരു ശ്രദ്ധേയ വേഷവുമായി ലാൽ എത്തുകയാണ് ഈ ചിത്രത്തിലൂടെ. കാസര്ഗോഡിന്റെ പശ്ചാത്തലത്തില് ഒരുക്കിയിരിക്കുന്ന ചിത്രത്തിൽ രാഘവന് മാഷ് എന്ന കഥാപാത്രത്തെയാണ് ലാൽ അവതരിപ്പിച്ചിരിക്കുന്നത്.
ഒരു സ്കൂളും ആ സ്കൂളുമായി ബന്ധപ്പെട്ടുള്ള സംഭവവികാസങ്ങളുമാണ് ചിത്രത്തിലെ ഇതിവൃത്തം. 'ഇതുപോലൊരു സ്കൂള് വേറെയുണ്ടാകില്ല', ചന്ദ്രഗിരി സ്കൂളിന് ട്രെയ്ലറില് നല്കുന്ന വിശേഷണം ഇങ്ങനെയാണ്.
ചിത്രത്തിന്റെ ട്രെയ്ലർ കഴിഞ്ഞ ദിവസം പുറത്തുവന്നിരുന്നു. ജൂണ് 8ന് ചന്ദ്രഗിരി തീയറ്ററുകളിലെത്തും. ദ്രാവിഡന്, കാറ്റത്തൊരു പെണ്പൂവ്, പായുംപുലി തുടങ്ങിയ ചിത്രങ്ങള് ഒരുക്കിയ മോഹന് കുപ്ളേരിയാണ് ചിത്രം സംവിധാനം ചെയ്തിരിക്കുന്നത്. ഷോണ് റോമി, ഇന്ദ്രന്സ്, ഹരീഷ് പേരടി, സായികുമാര്, ജയചന്ദ്രന്, സജിതാ മഠത്തില്, സുനില് സുഖദ, കൊച്ചുപ്രേമന്, അഞ്ജലി നായര്, സേതു ലക്ഷ്മി തുടങ്ങിയവരാണ് ചിത്രത്തിലെ മറ്റ് താരങ്ങൾ.
കണ്ണൂരിലും കാസര്ഗോഡുമായി ചിത്രീകരണം പൂർത്തിയാക്കിയ ചന്ദ്രഗിരിയിൽ കാസര്ഗോഡിന്റെ കലാരൂപമായ യക്ഷഗാനവും പ്രധാന പ്രമേയമായി കടന്നു വരുന്നുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates