നവാഗതനായ വിനു ജോസഫ് സംവിധാനം ചെയ്യുന്ന ബിജു മേനോന്‍ ചിത്രം റോസാപ്പൂവിലൂടെ വിക്രം മലയാളത്തിലേക്ക് തിരിച്ചെത്തുന്നു എന്ന വാര്‍ത്തകള്‍ സജീവമായികൊണ്ടിരിക്കുകയാണ്. വിക്രം അഭിനയിച്ചുകൊണ്ടിരിക്കുന്ന തമിഴ് ചിത്രം സാമി സ്‌ക്വയറിന്റെ നിര്‍മാതാവാണ് റോസാപ്പൂവും നിര്‍മിക്കുന്നത് എന്നുള്ളതായിരുന്നു ഈ വാര്‍ത്തകള്‍ക്ക് പിന്നിലെ പ്രധാന കാരണം. എന്നാല്‍ ചിത്രത്തിലെ ചില രംഗങ്ങളില്‍ വിക്രം എത്തുമെന്ന് ആദ്യം കരുതിയിരുന്നെങ്കിലും പിന്നീട് വേണ്ടെന്നുവയ്ക്കുകയായിരുന്നെന്നാണ് റോസാപ്പൂവിന്റെ അണിയറപ്രവര്‍ത്തകര്‍ നല്‍കുന്ന വിവരം. ഡിസംബറില്‍ റിലീസിന് തയ്യാറെടുക്കുന്ന റോസാപ്പൂവിന്റെ അവസാന ഘട്ട ചിത്രീകരണം ചെന്നൈയില്‍ പുരോഗമിച്ചുകൊണ്ടിരിക്കുകയാണ്.