പ്രമുഖ റിയാലിറ്റി ഷോയായ ബി​ഗ് ബോസ് മലയാളം രണ്ടാം സീസണിലൂടെ ശ്രദ്ധേയനായ സീരിയൽ താരവും സിനിമാ നടനുമായ പ്രദീപ് ചന്ദ്രൻ വിവാഹിതനാകുന്നു. തിരുവനന്തപുരം ഇൻഫോസിസ് ജീവനക്കാരിയും കരുനാഗപ്പള്ളി സ്വദേശിയും ആയ അനുപമ രാമചന്ദ്രൻ ആണ് വധു. നാളെ (ജൂലൈ 12) ആണ് ഇരുവരുടെയും വിവാഹം.

താൻ വിവാഹിതൻ ആകാൻ പോകുന്ന സന്തോഷം പ്രദീപ് തന്നെയാണ് ഫേസ്ബുക്ക് പോസ്റ്റിലൂടെ ആരാധകരെ അറിയിച്ചത്. എല്ലാവരെയും പങ്കെടുപ്പിച്ചു വിവാഹം വിപുലമായി നടത്താനുള്ള ആഗ്രഹം കൊറോണ കാരണം നടക്കാത്തതിന്റെ നിരാശയും പ്രദീപ് പങ്കുവച്ചു. വിദേശത്തുള്ള ചേട്ടൻ ഉൾപ്പെടെ പ്രിയപ്പെട്ട ഒരുപാട് പേരെ ഉൾപ്പെടുത്താതെയാണ് വിവാഹം നടക്കാൻ പോകുന്നതെന്നും അതിൽ ഒരുപാട് വേദനയുണ്ടെന്നും താരം കുറിച്ചു.