ഇന്റര്‍നെറ്റില്‍ തരംഗമാകുന്ന 'ബെല്ലാ ചൗ' വീണയിൽ വായിച്ച് നടി മഞ്ജു വാര്യർ. നെറ്റ് ഫിക്ല്സിലെ ട്രെൻഡിങ് സീരിസുകളിലൊന്നായ മണി ഹേസ്റ്റ് (ലാ കാസ ഡെ പാപ്പല്‍) ഈ ​ഗാനം ഏറെ ഹിറ്റാണ്. ഇപ്പോഴിതാ മഞ്ജുവിന്റെ വിഡിയോയും ആരാധകർ ഏറ്റെടുത്തുകഴിഞ്ഞു.

യൂട്യൂബില്‍ ദശലക്ഷക്കണക്കിന് ആളുകള്‍ കണ്ട ഗാനമാണ് ബെല്ലാ ചൗ. ഈ ഇറ്റാലിയന്‍ ഗാനം 19-ാം നൂറ്റാണ്ടിൽ ശ്രദ്ധേയമായ നാടോടി ഗാനമാണ്. ബെല്ലാ ചൗ എന്നാൽ ഗുഡ് ബൈ ബ്യൂട്ടിഫുള്‍ എന്നാണ് ഇംഗ്ലീഷിൽ അർത്ഥം. ഭൂവുടമകള്‍ക്കെതിരെയുള്ള പ്രതിഷേധമായാണ് ഇറ്റലിയിലെ വയലുകളില്‍ പണിയെടുത്തിരുന്ന തൊഴിലാളി സ്ത്രീകള്‍ ഈ പാട്ട് പാടിയിരുന്നത്. 

മഞ്ജു തന്റെ ഇൻസ്റ്റ​​ഗ്രാം പേജിൽ പങ്കുവച്ച വിഡിയോ മൂന്ന് ലക്ഷത്തിനടുത്ത് ആളുകളാണ് കണ്ടത്. ഭാവന, നീരജ് മാധവ്, അനുമോൾ, അനുശ്രി തുടങ്ങിയ താരങ്ങളടക്കം കമന്റുകൾ കുറിച്ചിട്ടുണ്ട്.