തെന്നിന്ത്യയിലെ നിരവധി ആരാധകരുള്ള നടിയാണ് സാമന്ത അക്കിനേനി. അതിനാല്‍ താരം എത്തുന്നിടത്തെല്ലാം ആരാധകര്‍ തടിച്ചുകൂടാറുണ്ട്. ഇപ്പോള്‍ സോഷ്യല്‍ മീഡിയയില്‍ വൈറലാവുന്നത് അനുവാദമില്ലാതെ ചിത്രങ്ങളെടുക്കാന്‍ ശ്രമിച്ച ആരാധകനോട് ദേഷ്യപ്പെടുന്ന സാമന്തയുടെ വിഡിയോ ആണ്. ക്ഷേത്ര ദര്‍ശനത്തിനിടെ പിറകെ ഓടി വന്ന് ഫോട്ടോ എടുത്തതാണ് താരത്തെ പ്രകോപിപ്പിച്ചത്. 

സുഹൃത്തുക്കള്‍ക്കൊപ്പമാണ് താരം തിരുപ്പതി ക്ഷേത്രത്തില്‍ എത്തിയത്. അതിനിടെ താരത്തെ കണ്ട് തിരിച്ചറിഞ്ഞ ആരാധകന്‍ ഓടിയെത്തുകയായിരുന്നു. പടികള്‍ കയറുന്നതിനിടെ പിന്നാലെ ഓടിവന്നാണ് ഫോട്ടോ എടുക്കാന്‍ ശ്രമിച്ചത്. ഇത് കണ്ട് താരം 'നോക്കൂ, മര്യാദയ്ക്ക് പെരുമാറണം, എന്റെ ചിത്രങ്ങള്‍ എടുക്കരുത്'എന്ന് പറയുകയായിരുന്നു. 

പുതിയ തെലുങ്ക് ചത്രം ജാനുവിന്റെ റിലീസിന് പിന്നാലെയാണ് താരം ക്ഷേത്രത്തില്‍ എത്തിയത്. മികച്ച വിജയം നേടിയ തമിഴ് ചിത്രം 96ന്റെ റീമേക്കാണ് ജാനു.