തിരുവനന്തപുരം: സംസ്ഥാന ചലച്ചിത്ര പുരസ്‌കാര വിതരണ ചടങ്ങില്‍ മുഖ്യാതിഥിയായി മോഹന്‍ലാലിനെ ക്ഷണിച്ചിട്ടില്ലെന്ന് ചലച്ചിത്ര അക്കാദമി ചെയര്‍ പേഴ്‌സണ്‍ കമല്‍. മോഹന്‍ലാലിനെ മുഖ്യാതിഥിയാക്കുന്നതിന് എതിരെ ചലച്ചിത്ര,സാംസ്‌കാരിക പ്രവര്‍ത്തകര്‍ മുഖ്യമന്ത്രിക്ക് നിവേദനം നല്‍കിയതിന്റെ പശ്ചാതലത്തിലാണ് കമലിന്റെ പ്രതികരണം വന്നിരിക്കുന്നത്. 

ഈ വിഷയത്തില്‍ സാംസ്‌കാരിക മന്ത്രിയും  സര്‍ക്കാരുമാണ് തീരുമാനമെടുക്കേണ്ടതെന്നും കമല്‍ കൂട്ടിച്ചേര്‍ത്തു. മോഹന്‍ലാലിന്റെ വരവ് ചടങ്ങിന്റെ ശോഭ കെടുത്തുമെന്നും അവാര്‍ഡ് നേടിയവരെ ചെറുതാക്കുന്ന നടപടിയാണ് ഇതെന്നും നൂറ്റിയേഴുപേര്‍ ഒപ്പിട്ട കത്തില്‍ പറയുന്നു.