രാത്രിയിൽ വീട്ടില്‍ കയറി വധഭീഷണി മുഴക്കിയ രണ്ട് പേര്‍ക്കെതിരെ പൊലീസില്‍ പരാതി നല്‍കി നടി ശ്രീ റെഡ്ഢി. പണമിടപാടുകാരനായ ഉടമ സുബ്രഹ്മണിക്കും അസിസ്റ്റന്റ് ഗോപിക്കുമെതിരെയാണ് ശ്രീ റെഡ്ഡിയുടെ പരാതി. വല്‍സരവാക്കം പൊലീസ് സ്റ്റേഷനിലെത്തിയാണ് നടി പരാതി നൽകിയത്. 

മാര്‍ച്ച് 21ന് രാത്രി ഇരുവരും വീട്ടിൽ വന്ന് തനിക്കുന്നേരെ ഭീഷണി മുഴക്കിയെന്ന് ശ്രീ റെഡ്ഡി പരാതിയില്‍ ആരോപിച്ചു. ഇവര്‍ തന്നെ ആക്രമിച്ചെന്നും വധഭീഷണി മുഴക്കിയെന്നുമാണ് പരാതിയില്‍.

മുമ്പ് ഹൈദരാബാദില്‍ മറ്റൊരു കേസുമായി ബന്ധപ്പെട്ട് അറസ്റ്റിലായ സുബ്രഹ്മണി താൻ പൊലീസ് പിടിയിലാകാൻ കാരണം നടിയാണെന്ന് ആരോപിച്ചാണ് ശ്രീ റെഡ്ഢിയുടെ ചെന്നൈയിലെ വീട്ടിലെത്തിയതെന്ന് പൊലീസ് പറഞ്ഞു.