ബോളിവുഡ് സുശാന്ത് സിങ് രജ്പുത്ത് അവസാന സിനിമ ദിൽ ബേചാരയുടെ ടൈറ്റിൽ ഗാനം സോഷ്യൽ മീഡിയയിൽ വൈറൽ. കഴിഞ്ഞ ദിവസമാണ് ചിത്രത്തിന്റെ അണിയറ പ്രവർത്ത​കർ ​ഗാനം പുറത്തിറങ്ങിയത്. സുശാന്ത് നിറഞ്ഞു നിൽക്കുന്ന് ​ഗാനം ആരാധകരുടെ മനസു കീഴടക്കുകയാണ്.

സ്റ്റേജിൽ നിന്ന് പാട്ടുപാടി ഡാൻസ് കളിക്കുന്ന സുശാന്താണ് ​ഗാനത്തിൽ. 2.43 മിനിറ്റ് ദൈർഘ്യമുള്ള ​ഗാനം ഒറ്റ ഷോട്ടിലാണ് ചിത്രീകരിച്ചിരിക്കുന്നത്. സംഗീത മാന്ത്രികൻ എ.ആർ റഹ്മാനാണ് ​ഗാനത്തിന് സം​ഗീതം പകർന്നിരിക്കുന്നത്. നടിയും നർത്തകിയുമായ ഫറാഖാനാണ് ഡാൻസ് കൊറിയോ​ഗ്രാഫർ. 17 കോടിയിൽ അധികം ആളുകളാണ് ഇതിനോടകം വിഡിയോ കണ്ടത്.

നേരത്തേ പുറത്തു വിട്ട " ദിൽ ബേചാര " യുടെ ട്രെയിലറും വലിയ ശ്രദ്ധ നേടിയിരുന്നു. ഇത് ഹോളിവുഡ് ചിത്രമായ അവഞ്ചേഴ്സിനെ പിന്നിലാക്കി അന്തർ ദേശീയ തലത്തിൽ വൈറലായി മുന്നേറുകയാണ്. സഞ്ജന സാങ്കിയാണ് ചിത്രത്തിലെ നായിക. നവാഗതനായ മുകേഷ് ചബ്ര സംവിധാനം ചെയ്ത ചിത്രം ജൂലൈ 24 -ന് ഡിസ്നി ഹോട്സ്റ്റാർ ഒടിടി പ്ലാറ്റ്ഫോമിലൂടെയായാണ് റിലീസ് ചെയ്യുന്നത്.