മോഹൻലാലിനെ നായകനാക്കി പ്രിയദർശൻ ഒരുക്കിയ ഒപ്പം സിനിമ മലയാളത്തിൽ ഏറെ ശ്രദ്ധിക്കപ്പെട്ടിരുന്നു. ഇതിലെ ‘മിനുങ്ങും മിന്നാമിനുങ്ങേ’ എന്ന ഗാനം മലയാളികൾ നെഞ്ചോട് ചേർത്ത ​ഗാനവുമാണ്. ഈ ചിത്രത്തിന്റെ കന്നഡ റീമേക്കിലെ ​ഗാനവും ഇപ്പോൽ സോഷ്യൽ മീഡിയയിൽ വൈറലായി മാറിക്കഴിഞ്ഞു. 

എം ജി ശ്രീകുമാറും ശ്രേയ ജയദീപും ആലപിച്ച ഗാനത്തി​ന്റെ  കന്നട വേർഷനില്‍ എസ് പി ബാലസുബ്രമണ്യവും ശ്രേയ ജയദീപും ചേര്‍ന്നാണ് പാടിയിരിക്കുന്നത്. കവച എന്ന് പേരിട്ടിരിക്കുന്ന ചിത്രത്തിൽ കന്നട സൂപ്പർ സ്റ്റാർ ശിവ രാജ്​ കുമാറാണ് മോഹൻലാൽ അവതരിപ്പിച്ച രാമച്ചൻ എന്ന വേഷത്തിലെത്തുന്നത്. ​യൂട്യൂബിൽ റിലീസ് ചെയ്ത ​ഗാനം ഇതുവരെ നാലര ലക്ഷത്തിലേറെ പേരാണ് കണ്ടുകഴിഞ്ഞത്.