ഏറ്റവുമധികം പ്രതിഫലം നേടുന്ന ലോകത്തിലെ പത്ത് നടന്മാരുടെ ഫോബ്‌സ് പട്ടിക പുറത്തുവിട്ടു. നടന്‍ അക്ഷയ് കുമാര്‍ മാത്രമാണ് പട്ടികയില്‍ ഇടം നേടിയ ഏക ഇന്ത്യന്‍ താരം. ഏകദേശം 48.5 ദശലക്ഷം ഡോളറാണ് നടന്റെ സമ്പാദ്യം.
നടന്‍ വെയിന്‍ ജോണ്‍സണ്‍ ആണ് പട്ടികയില്‍ ഒന്നാമതുള്ളത്. 87.9 ദശലക്ഷം ഡോളറാണ് വെയിന്റെ സമ്പാദ്യം. കഴിഞ്ഞ വര്‍ഷവും വെയിന്‍ തന്നെയായിരുന്നു പട്ടികയില്‍ ഒന്നാം സ്ഥാനത്തെത്തിയത്.
71.5 ദശലക്ഷം ഡോളര്‍ സമ്പാദ്യവുമായി ഡെഡ്പൂള്‍ താരം റെയാന്‍ റെയ്‌നോള്‍ഡ്‌സ് രണ്ടാമതെത്തി. മാര്‍ക്ക് വെല്‍ബെര്‍ഗ്, ബെന്‍ അഫ്‌ലെക്‌സ്, വിന്‍ ഡീസല്‍ എന്നിവരാണ് മൂന്ന്, നാല് അഞ്ച് സ്ഥാനങ്ങളില്‍.
കഴിഞ്ഞ വര്‍ഷം നാലാം സ്ഥാനത്തായിരുന്ന അക്ഷയ് കുമാര്‍ രണ്ട് സ്ഥാനം പുറകോട്ടിറങ്ങി ഇക്കുറി ആറാമതാണ്. തുടര്‍ച്ചയായി അഞ്ചാം വര്‍ഷമാണ് ഏറ്റവുമധികം പ്രതിഫലം നേടുന്ന നടന്മാരുടെ പട്ടികയില്‍ അക്ഷയ് ഇടംപിടിക്കുന്നത്.
ഹാമില്‍ട്ടണ്‍ താരം ലിന്‍-മാനുവേല്‍ മിറാണ്ടാ, വില്‍ സ്മിത്ത്, ആഡം സാന്‍ഡ്‌ലര്‍, ജാക്കി ചാന്‍ എന്നിവരാണ് അവസാന നാല് സ്ഥാനങ്ങളിലുള്ളത്.
സിനിമയില്‍ നിന്നുള്ള പ്രതിഫലത്തേക്കാള്‍ പരസ്യവരുമാനമാണ് അക്ഷയ്ക്ക് സ്ഥാനം നേടിക്കൊടുത്തതെന്ന് ഫോബ്‌സ് മാസിക ചൂണ്ടിക്കാട്ടി. പുതിയ വെബ് സീരീസിന്റെ തുടക്കവും താരത്തിന് ഗുണകരമായിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates