മറിമായം എന്ന ടെലിവിഷൻ സീരിയലിലൂടെ പ്രേക്ഷകരുടെ മനസിൽ കയറിപ്പറ്റിയ താരങ്ങളാണ് മണ്ഡോദരിയും ലോലിതനും. ഇവർ ജീവിതത്തിലും ഒന്നിക്കുകയാണെന്ന വാർത്ത പ്രേക്ഷകരെ വീണ്ടും സന്തോഷിപ്പിക്കുയാണ്. 

 മറിമായത്തിൽ ലോലിതനായി വേഷമിട്ട നടൻ എസ് പി ശ്രീകുമാറും മണ്ഡോദരി എന്ന കഥാപാത്രത്തെ അവതരിപ്പിച്ച സ്‌നേഹ ശ്രീകുമാറുമാണ് വിവാഹിതരാകുന്നത്. ഡിസംബർ 11ന് തൃപ്പൂണിത്തുറയിൽ വച്ചാണ് ഇരുവരുടെയും വിവാഹം. എന്നാൽ ഇക്കാര്യം ഒൗഗികമായി താരങ്ങൾ അറിയിച്ചിട്ടില്ല. 

കഥകളിയും ഓട്ടൻതുള്ളലും അഭ്യസിച്ചിട്ടുള്ള സ്നേഹ അമേച്വർ നാടകങ്ങളിലൂടെയാണ് അഭിനയ രംഗത്തേക്കെത്തുന്നത്. മറിമായത്തിലൂടെയാണ് കൂടുതൽ പ്രേക്ഷക ശ്രദ്ധ നേടിയത്. നിരവധി സിനിമകളിലും സ്നേഹ അഭിനയിച്ചിട്ടുണ്ട്.  ശ്രീകുമാർ 25 ഓളം സിനിമകളിൽ അഭിനയിച്ചിട്ടുണ്ട്. മെമ്മറീസ് എന്ന പൃഥ്വിരാജിന്റെ സൂപ്പർഹിറ്റ് ചിത്രത്തിൽ ശക്തമായ വില്ലൻ വേഷം അവതരിപ്പിച്ച് ആരാധകരുടെ പ്രശംസ നേടി. നാടകങ്ങളിലും സ്ഥിരം സാന്നിധ്യമായിരുന്നു ശ്രീകുമാർ.