ചലച്ചിത്ര നടന്‍മാരോടും നടിമാരോടും പ്രേക്ഷകര്‍ക്ക് ആരാധനയുണ്ടാകുന്നത് സ്വാഭാവികമാണ്. അവരത് പല തരത്തിലാകും പ്രകടിപ്പിക്കുക. ഇവിടെ കുറച്ച് പെണ്‍കുട്ടികള്‍ പ്രിയ താരത്തോടുള്ള ആരാധന മൂത്ത് തകര്‍പ്പന്‍ ഡാന്‍സുമായി രംഗത്തെത്തിയിരിക്കുകയാണ്. 

ഡാന്‍സ് ചെയ്ത് അതിന്റെ വീഡിയോ തങ്ങളുടെ പ്രിയ താരത്തിന് വേണ്ടി സമര്‍പ്പിക്കുകയും ചെയ്തിട്ടുണ്ട് ഇവര്‍. തെന്നിന്ത്യയാകെ ആരാധകരുള്ള ഇളയ ദളപതി വിജയിയോടുള്ള ആരാധന മൂത്താണ് സുഹൃത്തുക്കള്‍ ചേര്‍ന്ന് വിഡിയോ നിര്‍മിച്ചത്.

വിജയ്‌യുടെ പിറന്നാള്‍ ദിനത്തോട് അനുബന്ധിച്ച് പുറത്തിറക്കിയ ഡാന്‍സ് വിഡിയോ ഇപ്പോള്‍ സമൂഹമാധ്യമങ്ങളില്‍ തരംഗമാകുകയാണ്. വിജയിയുടെ എക്കാലത്തെയും സൂപ്പര്‍ ഹിറ്റ് ഡാന്‍സ് നമ്പരുകളായ അപ്പടി പോട്, ഡാഡി മമ്മീ എന്നീ ഗാനങ്ങള്‍ക്കാണ് ചുവടുവെപ്പ്. വിഡിയോ ഏതായാലും സോഷ്യല്‍ മീഡിയ ഏറ്റെടുത്തു കഴിഞ്ഞു.

ദാവണിയില്‍ അപ്പടി പൊട് എന്ന ഗാനത്തിനു തകര്‍പ്പന്‍ ഡാന്‍സ് ചെയ്യുന്നവര്‍ മോഡേണ്‍ ലുക്കില്‍ ഡാഡി മമ്മിക്കു ചുവടുവെക്കുന്നു. 'വിജയ് സാറിന്റെ പിറന്നാളിന് ഞങ്ങളുടെ ചെറിയ സമ്മാനം' എന്ന കുറിപ്പോടെയായിരുന്നു വിഡിയോ എത്തിയത്.