മലയാളികളുടെ പ്രിയതാരം ഫഹദ് ഫാസില്‍ പ്രതിനായക വേഷത്തിലെത്തുന്ന തമിഴ്ചിത്രം വേലൈക്കാരന്റെ ടീസര്‍ എത്തി. ശിവ കാര്‍ത്തികേയന്‍ നായകനാകുന്ന വേലൈക്കാരനില്‍ നയന്‍താരയാണ് നായിക. മോഹന്‍ രാജയാണ് ചിത്രം സംവിധാനം ചെയ്യുന്നത്. ടീസറിലെ ഫഹദിന്റെ എന്‍ട്രിയാണ് സോഷ്യല്‍ മീഡിയയില്‍ ചര്‍ച്ചയാകുന്നത്. ശിവകാര്‍ത്തികേയനെ പിന്നിലാക്കി നടന്നു കയറുന്ന സീനടക്കമുള്ള ടീസര്‍ ഫഹദ് ആരാധകര്‍ ഇതിനോടകം തന്നെ നെഞ്ചിലേറ്റിയിട്ടുണ്ട്. ഫഹദിന്റെ ആദ്യ തമിഴ് ചിത്രം എന്ന പ്രത്യേകതയും വേലൈക്കാരനുണ്ട്.

പ്രേമ, പ്രകാശ് രാജ്, വിജയ് വാസന്ത്, തമ്പി രാമയ്യ, ചാര്‍ലി ആര്‍ ജെ ബാലാജി, രോഹിണി, റോബി ശങ്കര്‍, യോഗി ബാബു, സതീഷ് എന്നിവരും ചിത്രത്തില്‍ പ്രധാന വേഷങ്ങളിലെത്തുന്നു. അനൂപ് രവിചന്ദര്‍ എന്ന യുവസംഗീത സംവിധാകനാണ് ചിത്രത്തില്‍ സംഗീതം നിര്‍വഹിച്ചിരിക്കുന്നത്.