കൊച്ചി: ബി ഉണ്ണികൃഷ്ണനുമായി ചേര്‍ന്നുള്ള വില്ലന്‍ എന്ന സിനിമ നല്ല സിനിമയായിരിക്കുമെന്ന് മോഹന്‍ലാല്‍. ചിത്രത്തിന്റെ ഓഡിയോ ലോഞ്ചിനിടെയാണ് മോഹന്‍ലാല്‍ മനസ് തുറന്നത്. സിനിമയുമായി ആരുമായി ഇടപെടുമ്പോഴും തന്റെ സംശയം ആരോടും ചോദിക്കാറുണ്ട്. ഈ സിനിമക്ക് ഇത്തരത്തില്‍ ഒരു പേരുനല്‍കിയാല്‍ അത് ചിത്രത്തെ ബാധിക്കുമോ എന്നതായിരുന്നു തന്റെ സംശയം. എന്നാല്‍ ഈ സിനിമക്ക് പറ്റിയ നല്ല പേര് ഇത് തന്നെയാണെന്ന് തനിക്ക് ബോധ്യമായെന്ന് മോഹന്‍ലാല്‍ പറഞ്ഞു.

വില്ലന്‍ എന്നു പറയുന്നത് ഏത് ഒരു പ്ലേയേയും സംബന്ധിച്ച് പ്രധാനഘടകമാണ്. വില്ലന് മേല്‍ നേടുന്ന വിജയമാണ് സിനിമയുടെ വിജയമെന്നും മോഹന്‍ലാല്‍ പറഞ്ഞു. ചിത്രത്തില്‍ ദാസേട്ടനൊപ്പം രണ്ടുവരി പാടാനുള്ള ആഗ്രഹം ബി ഉണ്ണികൃഷ്ണന്‍ അനുവദിച്ചതും നേട്ടമായി കരുതെന്ന് മോഹന്‍ലാല്‍ പറഞ്ഞു. ചിത്രത്തിന്റെ ജയപരാജയത്തെ കുറിച്ച് പറയുന്നില്ലെന്നും ചിത്രം വ്യത്യസ്ത പുലര്‍ത്തുമെന്നും മോഹന്‍ലാല്‍ പറഞ്ഞു. 

മലയാള സിനിമ പുറത്തേക്ക് സഞ്ചരിക്കേണ്ട സമയമായെന്നും അത്തരം സാധ്യതകള്‍ ഉള്‍ക്കൊണ്ടാണ് ചിത്രം പൂര്‍ത്തിയാക്കിയതെന്നും മോഹന്‍ലാല്‍ പറഞ്ഞു. ആക്ഷന്‍ വളരെയധികം പ്രാധാന്യം നല്‍കിയ ചിത്രമാണ് വില്ലന്‍. ഇത്രയും കാലത്തിനിടയില്‍ ചെയ്ത വ്യത്യസ്ത വേഷമാണ് വില്ലനിലേതെന്ന് മോഹന്‍ലാല്‍ പറഞ്ഞു