കൊച്ചി: നടിയെ ആക്രമിച്ചതുമായി ബന്ധപ്പെട്ട് വിവാദങ്ങള്‍ കൊഴുക്കുന്നതിനിടെ ദിലീപ് നായകനാകുന്ന രാംലീലയുടെ ടീസര്‍ പുറത്തിറങ്ങി. ദീലീപിന്റെ ഔദ്യോഗിക ഫെയ്‌സ്ബുക്ക് പേജിലൂടെയാണ് ടീസര്‍ പുറത്തിറക്കിയിരിക്കുന്നത്.

ലയണ്‍ എന്ന സിനിമയ്ക്കു ശേഷം രാഷ്ട്രീയക്കാരനായി എത്തുന്ന ദിലീപിന്റെ ആദ്യ ചിത്രമാണ് രാംലീല. നവാഗതനായ അരുണ്‍ ഗോപി ഒരുക്കുന്ന ചിത്രം ടോമിച്ചന്‍ മുളകുപാടമാണ് നിര്‍മിക്കുന്നത്. സച്ചിയാണ് രചന. പ്രയാഗ മാര്‍ട്ടിന്‍ നായിക.

ദിലീപിനെതിരേയും രാംലീല എന്ന ചിത്രത്തിനെതിരേയും നടക്കുന്ന പ്രവര്‍ത്തനങ്ങള്‍ വേദനാജനകമാണെന്ന് ചിത്രത്തിന്റെ ടോമിച്ചന്‍ മുളകുപാടം രംഗത്തെത്തിയിരുന്നു. ചിത്രത്തെ തകര്‍ക്കാനുള്ള നാണം കെട്ട പ്രവര്‍ത്തികളെന്നാണ് ടോമിച്ചന്‍ ഫെയ്‌സ്ബുക്കിലൂടെ അറിയിച്ചത്.