40 വര്‍ഷം തനിക്കു വേണ്ടി ജോലി ചെയ്ത ആളുടെ ശവമഞ്ചം ചുമന്ന് ബോളിവുഡിലെ സൂപ്പര്‍താരം അമിതാഭ് ബച്ചന്‍. തന്റെ വീട്ടുജോലിക്കാരന്റെ സംസ്‌കാരചടങ്ങില്‍ പങ്കെടുക്കുന്ന ബിഗ് ബിയുടെ ഫോട്ടോയാണ് സോഷ്യല്‍ മീഡിയയില്‍ വൈറലാകുന്നത്. മകന്‍ അഭിഷേക് ബച്ചനൊപ്പമാണ് ബിഗ് ബി സംസ്‌കാരത്തില്‍ പങ്കെടുക്കാന്‍ എത്തിയത്. സംസ്‌കാര ചടങ്ങില്‍ എത്തി വീട്ടുകാരുടെ ദുഃഖത്തില്‍ പങ്കുചേരുക മാത്രമല്ല ശവമഞ്ചം ചുമലിലേറ്റാന്‍ വരെ ബിഗ് ബി തയാറായി. 

അമിതാഭ് ബച്ചനും അഭിഷേകും ശവമഞ്ചം ചുമന്നു പോകുന്നതിന്റെ ചിത്രം സോഷ്യല്‍ മീഡിയയില്‍ വന്നതിന് പിന്നാലെ ആരാധകര്‍ ഏറ്റെടുത്തിരിക്കുകയാണ്. 40 വര്‍ഷത്തോളം ബച്ചന്റെ കുടുംബത്തില്‍ ജോലി ചെയ്യുന്ന വ്യക്തിയാണ് മരിച്ചത്. ഒരു ആരാധകനാണ് ചിത്രം പങ്കുവെച്ചത്. ഇതോടെ സോഷ്യല്‍ മീഡിയയില്‍ വൈറലായിരിക്കുകയാണ്. ജോലിക്കാര്‍ക്ക് ബച്ചന്‍ കുടുംബം നല്‍കുന്ന സ്‌നേഹവും മര്യാദയും ആരാധകരുടെ മനംകവര്‍ന്നിരിക്കുകയാണ്. ബിഗ് ബിയേയും മകനേയും പുകഴ്ത്തി നിരവധി പേരാണ് രംഗത്തെത്തുന്നത്.