ശ്രുതി ഹാസനെ നായികയാക്കി സുന്ദര്‍ സി സംവിധാനം ചെയ്യുന്ന സംഘമിത്രയുടെ ഫസ്റ്റ് ലുക്ക് പോസ്റ്റര്‍ പുറത്തിറങ്ങി. കാന്‍ ഫിലിം ഫെസ്റ്റിവലിലാണ് ചിത്രത്തിന്റെ ഫസ്റ്റ് ലുക്ക് പോസ്റ്റര്‍ റിലീസ് ചെയ്തത്. 

തമിഴ്,തെലുങ്ക്,ഹിന്ദി എന്നീ മൂന്ന് ഭാഷകളില്‍ ഒരുങ്ങുന്ന ചിത്രം പറയുന്നത് എട്ടാം നൂറ്റാണ്ടില്‍ നടന്ന ഒരു ചരിത്ര കഥയാണ്. ശ്രുതി ഹാസനൊപ്പം തമിഴിലെ മുന്‍നിര നായകന്‍മാരായ ജയം രവിയും ആര്യയും ചിത്രത്തിലുണ്ട്. 150 കോടിയാണ് ചിത്രത്തിന്റെ മുതല്‍മുടക്ക്. ചിത്രത്തിന് സംഗീതം നല്‍കുന്നത് എആര്‍ റഹ്മാനാണ്. ചിത്രത്തിന്റെ ചിത്രീകരണത്തിനായി ശ്രുതി ഹാസനിപ്പോള്‍ ലണ്ടനില്‍ യുദ്ധമുറകളുടെ പ്രത്യേക പരിശീലനത്തിലാണ്.