ബോളിവുഡ് സൂപ്പര്‍താരം ഷാറൂഖ് ഖാന്റെ വിശേഷങ്ങളറിയാന്‍ കാണിക്കുന്ന അതേ താത്പര്യമാണ് താരപുത്രന്‍ ആബ്‌റാമിനെക്കുറിച്ചറിയാനും ആരാധകര്‍ പ്രകടിപ്പിക്കുന്നത്. താരത്തോടൊപ്പം അബ്‌റാമിനെ കാണുന്ന വേളകളുടെ ചിത്രങ്ങളും വിഡിയോകളും സമൂഹമാധ്യമങ്ങളിലടക്കം ഏറെ വൈറലാകാറുമുണ്ട്. എന്നാലിക്കുറി ആരാധകര്‍ ഏറ്റെടുത്തിരിക്കുന്നത് അമ്മ ഗൗരി ഖാനൊപ്പം അബ്‌റാം സമയം ചിലവിടുന്നതാണ്. 

ഞായറാഴ്ച കുര്‍ബാനയ്ക്ക് എത്തിയ ഇരുവരുടെയും ചിത്രങ്ങളാണ് ഇപ്പോള്‍ പുറത്തുവന്നിരിക്കുന്നത്. ബാന്ദ്രയിലെ മൗണ്ട് മേരി ചര്‍ച്ചിലാണ് ഗൗരിയും അബ്‌റാമും എത്തിയത്. ഇന്‍സ്റ്റഗ്രാമില്‍ ഷെയര്‍ ചെയ്ത ഇരുവരുടെയും ചിത്രങ്ങളാണ് ഇപ്പോള്‍ ശ്രദ്ധനേടുന്നത്. കുര്‍ബാനയ്ക്ക് ശേഷം പള്ളിയുടെ മുന്‍വശത്ത് നിന്ന് ഗൗരിയും അബ്‌റാമും ക്യാമറയ്ക്ക് പോസ് ചെയ്യുകയുമുണ്ടായി. 

ക്യാഷ്വല്‍ വസ്ത്രങ്ങളിലാണ് ഇരുവരെയും ചിത്രങ്ങളില്‍ കാണാന്‍ സാധിക്കുന്നത്. ടീഷര്‍ട്ടും നിക്കറുമായിരുന്നും അബ്‌റാമിന്റെ വേഷം.