ചെന്നൈ; തമിഴ് സംവിധായകന്‍ രാജ്കപൂറിന്റെ മകന്‍ ഷാരൂഖ് കപൂര്‍ അന്തരിച്ചു. 23 വയസ്സായിരുന്നു. തിങ്കളാഴ്ച മെക്കയില്‍ വച്ച് ശ്വാസ തടസ്സത്തെ തുടര്‍ന്നായിരുന്നു മരണം. അമ്മ സജീല കപൂറിനൊപ്പം മെക്കയില്‍ തീര്‍ഥയാത്ര പോയതായിരുന്നു ഷാരൂഖ്. മരിക്കുന്നതിന് തൊട്ടുമുന്‍പായി ശ്വാസതടസം അനുഭവപ്പെടുകയും വിറക്കുകയുമായിരുന്നു. കാലാവസ്ഥ മാറിയതിന്റെ ബുദ്ധിമുട്ടായിരിക്കും എന്നാണ് അമ്മ ചിന്തിച്ചത്. അപ്പോഴേക്കും ജീവന്‍ നഷ്ടപ്പെടുകയായിരുന്നു. 

സംവിധായകന്റെ മകന്റെ അപ്രതീക്ഷിത മരണം തമിഴ് സിനിമ ലോകത്തെ ഞെട്ടിച്ചിരിക്കുകയാണ്. മൃതദേഹം ചെന്നൈയിലെത്തിക്കുന്നതിനുള്ള ശ്രമങ്ങള്‍ നടന്നുവരുന്നു. പഠനം പൂര്‍ത്തിയാക്കിയശേഷം ഷാരൂഖും സിനിമയിലെത്തണമെന്ന് രാജ്കപൂര്‍ ആഗ്രഹിച്ചിരുന്നു. 

ഏറെ കാലം അസിസ്റ്റന്റായി പ്രവര്‍ത്തിച്ചിട്ടുള്ള രാജ് കപൂര്‍ താലാട്ടു കേക്കട്ടുമാ എന്ന ചിത്രത്തിലൂടെയാണ് സ്വതന്ത്ര സംവിധയകനാകുന്നത്. പ്രഭുവും കനകയുമായിരുന്നു ചിത്രത്തില്‍ അഭിനയിച്ചത്. ഉത്തമരാക്ഷസ, അവള്‍ വരുവാളാ, ആനന്ദ പൂങ്കാട്ടരെ തുടങ്ങിയ ചിത്രങ്ങള്‍ രാജ് കപൂര്‍ സംവിധാനം ചെയ്തിട്ടുണ്ട്.  തമിഴിലും മലയാളത്തിലും നിരവധി സിനിമകളില്‍ അദ്ദേഹം അഭിനയിച്ചിട്ടുണ്ട്. മാമ്പഴക്കാലം, തുറുപ്പുഗുലാന്‍ തുടങ്ങിയ സിനിമകളില്‍ അഭിനയിച്ചു.