റെക്കോർഡുകൾ തകർത്ത് മുന്നേറുകയാണ് മോഹൻലാൽ ചിത്രം വെളിപാടിന്റെ പുസ്തകത്തിലെ ഹിറ്റ് ​ഗാനം ‘എന്റമ്മേടെ ജിമിക്കി കമ്മൽ’‍. കേരളത്തിന് അകത്തും പുറത്തും ലക്ഷക്കണക്കിന് ആരാധകരെ നേടിയ ​ഗാനം  റിലീസ് ചെയ്തു നിശ്ചിത കാലയളവിനുള്ളിൽ യൂട്യൂബിൽ ഏറ്റവും കൂടുതൽ ആളുകൾ കണ്ട മലയാളം ഗാനമായി മാറിയിരുന്നു. ഇപ്പോഴിതാ വീണ്ടും റെക്കോർഡുകൾ തകർത്ത് മുന്നേറുകയാണ് ഈ ​ഗാനം.

യുട്യൂബിൽ നൂറു ദശലക്ഷം കാഴ്ചക്കാരെ നേടുന്ന ആദ്യ മലയാളഗാനമായി മാറിയിരിക്കുകയാണ് ജിമിക്കി കമ്മൽ. സംഗീത സംവിധായകൻ ഷാൻ റഹ്മാൻ തന്നെയാണു ഗാനം നൂറു മില്യൺ കടന്ന വാർത്ത പുറത്തുവിട്ടത്. തന്റെ ഫേസ്ബുക്ക് പേജിലൂടെയാണ് ഷാൻ ഈ വിവരം ആരാധകരുമായി പങ്കുവച്ചത്.

അനിൽ പനച്ചൂരാൻ എഴുതിയ വരികൾ ആലപിച്ചിരിക്കുന്നത് വിനീത് ശ്രീനിവാസനും രഞ്ജിത്ത് ഉണ്ണിയും ചേർന്നാണ്. ഇടയ്ക്ക് യൂട്യൂബില്‍ നിന്ന് ​ഗാനം പിൻവലിച്ചെങ്കിലും പിന്നീട് വീണ്ടും എത്തുകയായിരുന്നു. 2017 ഓഗസ്റ്റ്് 17-ാം തിയതിയാണ് ഗാനം ആദ്യമായി യൂട്യൂബിലെത്തിയത്.
 ഇറങ്ങിയ ശേഷം മാസങ്ങളോളം ട്രെൻഡിങ് ലിസ്റ്റുകളിൽ ഒന്നാം സ്ഥാനം പിടിച്ചടക്കിയിരുന്നു ജിമിക്കി കമ്മൽ.