സൂര്യ, മോഹൻലാൽ, ആര്യ, സയേഷ എന്നിങ്ങനെ വലിയ തരനിര ഒന്നിച്ച തമിഴ് ചിത്രമാണ് കാപ്പാന്‍. കെവി ആനന്ദ് സംവിധാനം ചെയ്ത ചിത്രത്തിന്റെ ഒരു ഡെലീറ്റഡ് സീൻ ആണ് ഇപ്പോൾ യൂട്യൂബിൽ തരം​ഗമായിരിക്കുന്നത്. തിയേറ്ററുകളിൽ നിന്നും ഒഴിവാക്കിയ ഒരു മനോഹര പ്രണയ രം​ഗമാണ് ഈ വിഡിയോയിൽ. 

സൂര്യയുടെ കഥാപാത്രം സയേഷയോട് പ്രണയം തുറന്നുപറയുകയാണ് ഈ രം​ഗത്തിൽ. ഇതിന് മുമ്പായി ആര്യയും സയേഷയും ചേർന്ന് സൂര്യയെ പറ്റിക്കുന്നതും വിഡിയോയിൽ കാണാം. യൂട്യൂബിലൂടെ പുറത്തുവിട്ട മൂന്നര മിനിറ്റ് ദൈർഘ്യമുള്ള രം​ഗം ഇതിനോടകം ഏഴ് ലക്ഷത്തിലധികം പേർ കണ്ടുകഴിഞ്ഞു. ഇത്ര മനോഹരമായ രം​ഗം സിനിമയിൽ ഉൾപ്പെടുത്താതിരുന്നതിനെ കുറിച്ചാണ് ആരാധകരുടെ ആശങ്ക.