Entertainment

''സോണിയ വന്നാട്ടേ.. പോന്നാട്ടേ..'': പഞ്ചാബി ഹൗസില്‍ ഹരിശ്രീ അശോകനെ മലര്‍ത്തിയടിച്ച ഗുസ്തിക്കാരന്‍ കാക്കനാടുണ്ട് 

ജിമ്മിലെത്തുന്ന പലരും 'സോണിയയെ' തിരിച്ചറിയുന്നുണ്ട്.

Author : സമകാലിക മലയാളം ഡെസ്ക്

പ്രേക്ഷകരെ തിയേറ്ററില്‍ നിന്നിറങ്ങും വരെ ചിരിപ്പിച്ച സിനിമയാണ് ഹരിശ്രീ അശോകനും ദിലീപും ഒന്നിച്ചഭിനയിച്ച 'പഞ്ചാബി ഹൗസ്'. നര്‍മ മൂഹൂര്‍ത്തങ്ങളാല്‍ നിറഞ്ഞ സിനിമയില്‍ ഏറെ ശ്രദ്ധിക്കപ്പെട്ട ഒരു രംഗമായിരുന്നു പഞ്ചാബികളെ തോല്‍പ്പിച്ച് ബോട്ട് കൊണ്ടുപോകാന്‍ ഗുസ്തിക്കിറങ്ങേണ്ടി വന്ന ഹരിശ്രീ അശോകന്റെ ദുരവസ്ഥ.

'സോണിയ വന്നാട്ടേ...പോന്നാട്ടെ' എന്ന ഹരിശ്രീ അശോകന്റെ ഡയലോഗ് ഇപ്പോഴും മലയാളി ട്രോളന്‍മാര്‍ക്കു പ്രിയപ്പെട്ടതാണ്. ഗുസ്തിയില്‍ പഞ്ചാബികളെ തോല്‍പ്പിച്ചാല്‍ പിടിച്ചുവച്ച ബോട്ട് വിട്ടുകൊടുക്കാമെന്ന ജനാര്‍ദ്ദനന്റെ വാക്കു കേട്ട് ഗോദയിലിറങ്ങിയ ഹരിശ്രീ അശോകനെ നേരിടാനെത്തുന്ന പഞ്ചാബി കഥാപാത്രമാണു സോണിയ. ഈ വേഷമിട്ട സംശുദ്ധ് ഏബല്‍ ഇപ്പോള്‍ കാക്കനാട്ടെ ജിമ്മില്‍ ഫിറ്റ്‌നസ് ട്രെയിനറാണ്. 

ജിമ്മിലെത്തുന്ന പലരും 'സോണിയയെ' തിരിച്ചറിയുന്നുണ്ട്. ഫോര്‍ട്ട് വൈപ്പിന്‍ അഴീക്കല്‍ പൊള്ളേപ്പറമ്പില്‍ സംശുദ്ധ് എന്ന 41കാരന്‍ നാഷനല്‍ പഞ്ചഗുസ്തി മത്സരത്തിലെ സില്‍വര്‍ മെഡല്‍ ജേതാവാണ്. പഞ്ചാബി ഹൗസിനു ശേഷം ഏതാനും സിനിമകളില്‍ ചെറിയ റോളില്‍ അഭിനയിച്ചുണ്ട്. 

എറണാകുളം ജിമ്മില്‍ വര്‍ക്ക്ഔട്ട് ചെയ്യുന്നതിനിടയിലാണു പഞ്ചാബി ഹൗസിലേക്കുള്ള ഗുസ്തിക്കാരന്റെ റോളിലേക്കു ക്ഷണം എത്തിയത്. ഇനിയും സിനിമയില്‍ അഭിനയിക്കാന്‍ അവസരം ലഭിച്ചാല്‍ പോകുമെന്നു സംശുദ്ധ് പറഞ്ഞു. 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഓപ്പറേഷൻ സൗന്ദര്യ': അംഗീകാരമില്ലാത്ത സൗന്ദര്യവർധക വസ്തുക്കൾക്കെതിരെ കർശന നടപടിയുമായി സർക്കാർ; വ്ലോഗർമാരും നിരീക്ഷണത്തിൽ

മകളുടെ മുന്നിലിട്ട് ഭാര്യയെ വെട്ടിക്കൊലപ്പെടുത്തി; ഭർത്താവ് തൂങ്ങിമരിച്ചു

'സുരക്ഷാ മാനദണ്ഡങ്ങള്‍ പാലിക്കാതെ കുപ്പിവെള്ളം വിറ്റു';ബിസ്‌ലേരിക്കെതിരെ പ്രോസിക്യൂഷന്‍ നടപടിക്ക് അനുമതി

പമ്പയില്‍ വസ്ത്രങ്ങള്‍ ഉപേക്ഷിക്കുന്നതിന് നിരോധനം, ലംഘിച്ചാല്‍ 5000 രൂപ പിഴ, അടച്ചില്ലെങ്കില്‍ പ്രോസിക്യൂഷന്‍ നടപടി

അഖിലേന്ത്യാ മിലിട്ടറി ഫോട്ടോഗ്രാഫി മത്സരം: ദി ന്യൂ ഇന്ത്യന്‍ എക്സ്പ്രസിലെ ടി പി സൂരജിന് അവാര്‍ഡ്