ക്വീനില്‍ തുടങ്ങി ഇപ്പോഴിതാ ലൂസിഫറില്‍ എത്തിനില്‍ക്കുകയാണ് നടി സാനിയ ഇയ്യപ്പന്‍. അഭിനയത്തിനൊപ്പം താരം ധരിക്കുന്ന ഫാഷന്‍ വസ്ത്രങ്ങളും ചര്‍ച്ചയാകാറുണ്ട്. അവാര്‍ഡ് നിശകളിലും അഭിമുഖങ്ങളിലും സാനിയ ധരിച്ചെത്തിയ വേഷങ്ങള്‍ ഇതിനോടകം പലപ്പോഴും വാര്‍ത്തകളില്‍ നിറഞ്ഞുനിന്നിട്ടുമുണ്ട്. 

ഇപ്പോഴിതാ തന്റെ സ്റ്റൈല്‍ ഐക്കണ്‍ ആരാണെന്ന് തുറന്നുപറഞ്ഞിരിക്കുകയാണ് താരം. ബോളിവുഡ് നടി സോനം കപൂറാണ് തന്റെ സ്റ്റൈല്‍ ഐക്കണ്‍ എന്നാണ് സാനിയയുടെ വാക്കുകള്‍. 

പൃഥ്വിരാജ് സംവിധാനം ചെയ്യുന്ന ലൂസിഫറാണ് സാനിയയുടെ ഏറ്റവും പുതിയ ചിത്രം. ജാന്‍വി എന്ന കഥാപാത്രമാണ് ചിത്രത്തില്‍ സാനിയയുടേത്. മഞ്ജു വാര്യരുടെ മകളുടെ വേഷത്തിലാണ് സാനിയ ലൂസിഫറിലെത്തുന്നത്.