ന്യൂഡല്‍ഹി: ജമ്മു കശ്മീര്‍ മുഖ്യമന്ത്രി ഒമര്‍ അബ്ദുല്ലയും പ്രമുഖ മാധ്യമപ്രവര്‍ത്തക നിധി രാസ്ദാനും വിവാഹിതരായി. വിവാഹച്ചടങ്ങിന്റെ ചിത്രങ്ങള്‍ ഇരുവരും സോഷ്യല്‍ മീഡിയയിലൂടെ പങ്കുവെച്ചു. 'ഒരു പുതിയ യാത്ര ഇന്നലെ ആരംഭിച്ചു' എന്നാണ് ഒമര്‍ അബ്ദുല്ല 'എക്‌സ്' പോസ്റ്റില്‍ കുറിച്ചത്. 'എല്ലാം കഴിഞ്ഞിരിക്കുന്നു സുഹൃത്തേ' (It's done bro) എന്ന അടിക്കുപ്പിയോടെയാണ് നിധി രാസ്ദാന്‍ ചിത്രങ്ങള്‍ പങ്കുവെച്ചത്.
56കാരനായ ഒമര്‍ അബ്ദുല്ലയുടെ വിവാഹമോചനത്തിന് ഇക്കഴിഞ്ഞ ജൂലൈ 31ന് സുപ്രീംകോടതി അനുമതി നല്‍കിയിരുന്നു. മുന്‍ ഭാര്യ പായലുമായുള്ള കുടുംബവഴക്കുകള്‍ മധ്യസ്ഥതയിലൂടെ പരിഹരിച്ചതായി കോടതിയെ അറിയിച്ചതിനെ തുടര്‍ന്നായിരുന്നു ഇത്. തുടര്‍ന്ന് ദീര്‍ഘകാലമായുള്ള സൗഹൃദമാണ് ഇപ്പോള്‍ വിവാഹത്തില്‍ എത്തിച്ചേര്‍ന്നിരിക്കുന്നത്. 49കാരിയായ നിധി രാസ്ദാനും ഇത് രണ്ടാം വിവാഹമാണ്.
ഡല്‍ഹിയിലും ശ്രീനഗറിലും നടന്ന വിവാഹ ചടങ്ങുകളില്‍ അടുത്ത ബന്ധുക്കളും സുഹൃത്തുക്കളും സന്നിഹിതരായി. ഔദ്യോഗിക ജീവിതത്തിനൊപ്പം പുതിയ യാത്രയ്ക്ക് തുടക്കം കുറിച്ച ഇരുവരുടെയും ചിത്രങ്ങള്‍ ഇതിനകം സമൂഹമാധ്യമങ്ങളില്‍ വൈറലായിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
