ഗാനഗന്ധര്‍വന്റെ 80–ാം പിറന്നാൾ ആഘോഷിക്കുകയാണ് ഇന്ന് ആരാധകർ. അറുപത് വര്‍ഷത്തിലധികം നീണ്ട ചലച്ചിത്ര സംഗീത യാത്രയില്‍ അരലക്ഷത്തിലേറെ ഗാനങ്ങളാണ് ആ സ്വരത്തില്‍ വെള്ളിത്തിരയിലെത്തിയത്. ഇപ്പോഴിതാ യേശുദാസ് പാടിയ അയ്യപ്പന്റെ ഉറക്ക് പാട്ടായ ഹരിവരാസനം വിദേശികളെപ്പോലും അമ്പരപ്പിച്ചിരിക്കുകയാണ്. 

‌അമേരിക്കന്‍ സ്വദേശികളായ കോര്‍ബിന്‍ മൈല്‍സ്, റിക്ക് സേഗാള്‍ എന്നിവരാണ്ഗാന​ഗന്ധർവർറെ ഹരിവരാസനം കേട്ട് മതിമറന്നുപോയത്.  തങ്ങളുടെ യൂട്യൂബ് ചാനലിലൂടെ ​ഇവർ ഇത് പങ്കുവയ്ക്കുകയുമുണ്ടായി. സ്റ്റുപ്പിഡ് റിയാക്ഷന്‍ എന്ന ചാനലിലാണ് യേശുദാസിന്റെ ശബ്ദത്തെയും അനായാസമായ ആലാപനത്തെയും പ്രശംസിച്ച് വിഡിയോ പങ്കുവച്ചിരിക്കുന്നത്. 

ഗാനഗന്ധര്‍വ്വന്റെ മനോഹരമായ ശബ്ദത്തിലും പാട്ടിന്റെ അതി​ഗംഭീര ഫീലിലും അലിഞ്ഞിരിക്കുകയാണ് ഇരുവരും. ഇത്ര അനായാസമായി ഒരുപാട് നോട്ട് വേരിയേഷനുകളുള്ള പാട്ട് ലൈവായി പാടുന്നതിന്റെ അമ്പരപ്പ് ഇവർ വിഡിയോയിൽ പങ്കുവയ്ക്കുന്നുമുണ്ട്.