ദുബൈ 
Gulf

ബസ് യാത്രക്കാരുടെ ശ്രദ്ധയ്ക്ക്! നവംബര്‍ 20 മുതല്‍ ദുബൈയില്‍ ബസ് റൂട്ടുകളില്‍ മാറ്റം

Author : സമകാലിക മലയാളം ഡെസ്ക്
Edited By : Amal Joy

ദുബൈ: നവംബര്‍ 20 മുതല്‍ ദുബൈ എമിറേറ്റിലെ വിവിധ ബസ് റൂട്ടുകളില്‍ മാറ്റങ്ങള്‍. റൂട്ടുകള്‍ നീട്ടുക, കണക്ഷനുകള്‍ പരിഷ്‌കരിക്കുക, ചില ഭാഗങ്ങളിലെ സര്‍വീസുകള്‍ റദ്ദാക്കുക തുടങ്ങിയ ക്രമീകരണങ്ങളാണ് നടപ്പിലാക്കുന്നതെന്ന് ദുബൈ റോഡ്‌സ് ആന്റ് ട്രാന്‍സ്‌പോര്‍ട്ട് അതോറിറ്റി .

പൊതുഗതാഗത ശൃംഖലയിലുടനീളം യാത്രാസൗകര്യം മെച്ചപ്പെടുത്തുന്നതിനും പ്രധാന താമസ, വാണിജ്യ, വ്യാവസായിക മേഖലകളിലേക്ക് കൂടുതല്‍ മികച്ച യാത്രാസൗകര്യം ഒരുക്കുന്നതിനുമാണ് ഈ മാറ്റങ്ങള്‍. യാത്ര പുറപ്പെടുന്നതിന് മുമ്പ് യാത്രക്കാര്‍ ഷൈല്‍ ആപ്പില്‍ പുതുക്കിയ റൂട്ടുകളും സമയക്രമവും പരിശോധിക്കണമെന്നും അധികൃതര്‍ നിര്‍ദേശിച്ചു.

ജബല്‍ അലി, ജാഫ്‌സ - കടല്‍തീര ഭാഗത്തുള്ള ലൈഫ് ഫാര്‍മസി ബസ് സ്റ്റോപ്പിലേക്ക് സര്‍വീസ് നടത്തുന്ന എഫ്54, 99 എന്നീ റൂട്ടുകളില്‍ മാറ്റമുണ്ടാകും. ഈ ഭാഗത്തേക്കുള്ള സര്‍വീസ് റദ്ദാക്കും. പകരം ഈ പാതയിലൂടെ സഞ്ചരിക്കുന്ന യാത്രക്കാര്‍ക്ക് റൂട്ട് 99 ആശ്രയിക്കാവുന്നതാണ്. അല്‍ വാസല്‍, അല്‍ ഖൂസ് - അല്‍ ഖൂസ് ബസ് സ്റ്റേഷനില്‍ നിന്ന് അല്‍ വാസല്‍ റോഡ് വഴി ഇക്വിറ്റി മെട്രോ ബസ് സ്റ്റോപ്പിലേക്കുള്ള ഭാഗം റദ്ദാക്കി. പകരം യാത്രക്കാര്‍ക്ക് റൂട്ട് 93, എ29 എന്നിവ ഉപയോഗിക്കാം. ഇക്വിറ്റി മെട്രോ ബസ് സ്റ്റോപ്പിലേക്കുള്ള പുതുക്കിയ സര്‍വീസ് അല്‍ മനാറ സ്ട്രീറ്റ്, ഫസ്റ്റ് അല്‍ ഖൈല്‍ സ്ട്രീറ്റ്, ഫോര്‍ത്ത് സ്ട്രീറ്റ് എന്നിവ വഴിയായിരിക്കും. അല്‍ ഗുബൈബ, അല്‍ ഫഖ - ശൈഖ് ഖലീഫ ബിന്‍ സയീദ് അല്‍ മക്തൂം മസ്ജിദിലേക്ക് യാത്രാസൗകര്യം ഒരുക്കുന്നതിനായി റൂട്ട് 66 ഇരുവശങ്ങളിലേക്കും നീട്ടിയിട്ടുണ്ട്.

ദുബൈ-ഹത്ത റോഡ്, ലെഹ്ബാബ് - റൂട്ട് 68-ല്‍ ദുബൈ-ഹത്ത റോഡിലുടനീളം കൂടുതല്‍ സ്റ്റോപ്പുകള്‍ അനുവദിക്കും. ഇത് യാത്രക്കാര്‍ക്ക് റൂട്ട് ഇ16ലേക്ക് മാറിക്കയറാന്‍ സൗകര്യമൊരുക്കും. അല്‍ ഖൂസ് ഇന്‍ഡസ്ട്രിയല്‍ ഏരിയ- ഗാര്‍മിന്‍ ബസ് ടെര്‍മിനസില്‍ നിന്ന് പുറപ്പെടുമ്പോള്‍ റൂട്ട് എഫ്16 ഫസ്റ്റ് അല്‍ ഖൈല്‍ സ്ട്രീറ്റിന് പകരം ഷെയ്ഖ് സായിദ് സര്‍വീസ് റോഡ് വഴി തിരിച്ചുവിടും. ദുബൈ വേള്‍ഡ് സെന്‍ട്രല്‍ - ഈ മേഖലയിലേക്ക് സര്‍വീസ് നടത്തുന്ന ബസ് റൂട്ട് ദുബായ് വേള്‍ഡ് സെന്‍ട്രല്‍ ഫ്രൈറ്റ് ഹൗസ് വരെ നീട്ടി

Dubai RTA announces bus route changes from November 20: Full list of affected services

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഞങ്ങള്‍ ഒന്നും അറിയുന്നില്ല'; മുഖ്യമന്ത്രിക്കെതിരെ മന്ത്രിമാര്‍; കാബിനറ്റ് യോഗത്തില്‍ വന്‍ തര്‍ക്കം

വിട്ടു കളയല്ലേ... കേന്ദ്ര ഗവേഷണ സ്ഥാപനത്തിൽ 1,393 ഒഴിവുകൾ; അഗ്രികൾച്ചർ, IT, എഞ്ചിനീയറിങ് യോഗ്യത

ജയിൽമോചിതനായ മധ്യവയസ്കനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി

സഞ്ജു മങ്ങി, ആന്ധ്രയോട് 29 റണ്‍സിന് തോറ്റ് കേരളം

'ദൈവം എന്റെ പ്രാര്‍ഥന കേട്ടു'; 12 കോടിയുടെ ദീപാവലി ബംപര്‍ അടിച്ച് കര്‍ഷകന്‍