കു​​വൈ​​ത്ത് സിറ്റി: ഗാ​ർ​ഹി​ക തൊ​ഴി​ലാ​ളി​ക​ളു​ടെ എ​ണ്ണത്തിൽ കുറവ് വന്നതായി കുവൈത്ത് അധികൃതർ. മുൻ വർഷത്തെ അപേക്ഷിച്ച് 44,000 പേരുടെ കുറവ് വന്നതായി കണക്കുകൾ പറയുന്നു. പ്രവാസി തൊഴിലാളികളുമായി ബന്ധപ്പെട്ട സർക്കാരിന്റെ പുതിയ നയം നടപ്പിലാക്കിയതിന് പിന്നാലെയാണ് തൊഴിലാളികളുടെ എണ്ണത്തിൽ കുറവ് വരുന്നതെന്നാണ് റിപ്പോർട്ടുകൾ.

നിലവിൽ 7.45 ല​ക്ഷം പേ​ർ ഗാ​ര്‍ഹി​ക തൊ​ഴി​ലാ​ളി​ക​ളാ​ണ് കു​​വൈ​​ത്തിലുള്ളത്. ഇതിൽ 4.15 ല​ക്ഷം സ്ത്രീ​ക​ളും 3.30 ല​ക്ഷം പു​രു​ഷ​ന്മാ​രു​മാ​ണ്. ഇതിൽ 42.2 ശ​ത​മാ​ന​വും ഇന്ത്യയിൽ നിന്നുള്ളവരാണ്. ഗാർഹിക മേഖലയിൽ ജോലി ചെയ്ത് വന്നിരുന്ന ഇന്ത്യയിൽ നിന്നുള്ള പുരഷന്മാരുടെ എണ്ണം കഴിഞ്ഞ വർഷം 248,000 ആയിരുന്നു. ഈ വർഷം അത് 213,000 ആയി കുറഞ്ഞു.ഗാർഹിക തൊഴിലാളികളിൽ 17.9 ശ​ത​മാ​നം ശ്രീ​ല​ങ്ക​ക്കാ​രും, ഫി​ലി​പ്പീ​ൻ പൗരന്മാരുമാണ് കു​​വൈ​​ത്തിൽ ഉള്ളത്. അതെ സമയം,നേപ്പാൾ,മാലി എന്നി രാജ്യങ്ങളിൽ നിന്നുള്ള സ്ത്രീ ഗാർഹിക തൊഴിലാളികളുടെ എണ്ണത്തിൽ വർധനവ് ഉണ്ടായിട്ടുണ്ട്.

തൊഴിൽ നിയമങ്ങൾ കർശനമാക്കിയതോടെ വർക്ക് പെർമിറ്റുകളുമായി ബന്ധപ്പെട്ട പരാതികൾ വർധിച്ചിട്ടുണ്ട്. പ​ബ്ലി​ക് അ​തോ​റി​റ്റി ഫോ​ർ മാ​ൻ​പ​വ​ർ പുറത്ത് വിട്ട് ക​ണ​ക്കു​ക​ൾ പ്ര​കാ​രം ഈ വർഷം 20,898 വ​ർ​ക്ക് പെ​ർ​മി​റ്റ് സംബന്ധിച്ചുള്ള പ​രാ​തി​ക​ൾ ലഭിച്ചു. മറ്റു കേസുകളുമായി ബന്ധപ്പെട്ട് 21,000 പേർക്ക് പിരിച്ചു വിടാൻ നോട്ടീസ് നൽകിയതായും കണക്കുകൾ പറയുന്നു.