വാരണാസി: തീർത്ഥാടന കേന്ദ്രമായ വാരണാസിയിൽ ക്ഷേത്രങ്ങൾക്ക് കാൽ കിലോമീറ്റർ ചുറ്റളവിൽ മദ്യത്തിനും സസ്യേതര ആഹാരത്തിനും പൂർണ നിരോധനമേർപ്പെടുത്തി. വാരണാസി, വൃന്ദാവൻ, അയോധ്യ, ചിത്രകൂട്, ദേവ്ബന്ധ്, ​​ദേവശരീഫ്, നൈമിഷാരണ്യ മിശ്രിഖ് എന്നിവിടങ്ങളിൽ മദ്യത്തിനും മാംസാഹാരത്തിനും നിരോധനമേർപ്പെടുത്തുമെന്ന് മുഖ്യമന്ത്രി യോ​ഗി ആദിത്യനാഥ് പ്രഖ്യാപിച്ചിരുന്നു. 

വാരണാസിയിലെ കാശി വിശ്വനാഥ ക്ഷേത്രം, മഥുരയിൽ കൃഷ്ണന്റെ ജന്മ സ്ഥലം, അലഹബാദിലെ ത്രിവേണീ സം​ഗമം എന്നിവിടങ്ങളിൽ മദ്യത്തിന് നിരോധനമേർപ്പെടുത്താൻ എക്സൈസ് വകുപ്പിന് മുഖ്യമന്ത്രി നിർദേശം നൽകി. ക്ഷേത്രങ്ങൾക്ക് സമീപം മദ്യം, മാംസാദികൾ പൂർണമായും നിരോധിച്ചു കൊണ്ട് വാരണാസി മുനിസിപ്പൽ കോർപറേഷൻ രണ്ട് ​ദിവസം മുൻപ് പ്രസ്താവനയിറക്കിയിരുന്നു.