ദിസ്പൂര്‍: അമിത വേഗതയിലെത്തിയ ട്രക്ക് ഓട്ടോറിക്ഷയില്‍ ഇടിച്ച് പത്ത് പേര്‍ മരിച്ചു. അസമിലെ കരിംഗഞ്ച് ജില്ലയിലെ എന്‍എച്ച്-8ലാണ് അപകടമുണ്ടായത്. ഛാത്ത് ഭക്തര്‍ സഞ്ചരിച്ച ഓട്ടേറിക്ഷയില്‍ ട്രക്ക് ഇടിക്കുകയായിരുന്നു.

വണ്ടിയിലുണ്ടായിരുന്ന മുഴുവന്‍ യാത്രക്കാരും മരിച്ചതായി പൊലീസ് പറഞ്ഞു. ഒന്‍പത് പേര്‍ സ്ഥലത്തുവച്ചും ഒരാള്‍ ആശുപത്രിയില്‍വച്ചുമാണ് മരിച്ചത്. മരിച്ചവരില്‍ കൂടുതല്‍ സ്ത്രീകളും കുട്ടികളുമാണ്. എതിര്‍ദിശയില്‍ നിന്നുവന്ന ട്രക്ക് ഓട്ടോറിക്ഷയില്‍ ഇടിച്ചാണ് അപകടമുണ്ടായത്. അഞ്ച് സ്ത്രീകളും രണ്ടുകുട്ടികളും രണ്ട് പുരുഷന്‍മാരുമാണ് മരിച്ചത്.

ട്രക്ക് ഡ്രൈവര്‍ അമിത വേഗത്തിലായിരുന്നെന്ന് ദൃക്‌സാക്ഷികള്‍ പറയുന്നു. സംഭവസ്ഥലത്തുനിന്നും ഡ്രൈവര്‍ ഓടിരക്ഷപ്പെടുകയിും ചെയ്തു.