ചണ്ഡിഗഡ്: ഇറ്റലിയില് നിന്ന് എയര് ഇന്ത്യാ വിമാനത്തിലെത്തിയ 125 പേര്ക്ക് കോവിഡ് സ്ഥിരീകരിച്ചെന്ന വാര്ത്ത തള്ളി എയര് ഇന്ത്യ. നിലവില് ഇറ്റലിയില് നിന്ന് എയര് ഇന്ത്യ സര്വീസ് നടത്തുന്നില്ലെന്ന് കമ്പനി അറിയിച്ചു. വാര്ത്താ ഏജന്സിയായ എഎന്ഐ ആണ് വാര്ത്ത റിപ്പോര്ട്ട് ചെയ്തത്.
അമൃതസര് വിമാനത്താവളത്തിലെത്തിയ യാത്രക്കാര്ക്ക് വിമാനത്താവളത്തില് നടത്തിയ പരിശോധനയില് കോവിഡ് പോസറ്റീവായതായി എയര്പോര്ട്ട് ഡയറക്ടര് വികെ സേത് അറിയിച്ചെന്നായിരുന്നു റിപ്പോര്ട്ട്.
കേന്ദ്ര ആഭ്യന്തരസഹമന്ത്രി നിത്യാനന്ദ റായിക്ക് കോവിഡ്
കേന്ദ്ര ആഭ്യന്തരസഹമന്ത്രി നിത്യാനന്ദ റായിക്ക് കോവിഡ് സ്ഥിരീകരിച്ചു. മന്ത്രി തന്നെയാണ് ഇക്കാര്യം അറിയിച്ചത്. നേരിയ രോഗലക്ഷണങ്ങളെ തുടര്ന്ന് ഇന്ന് നടത്തിയ പരിശോധനയിലാണ് ഫലം പോസിറ്റീവായത്. താന് വീട്ടില് നിരീക്ഷണത്തിലാണെന്നും താനുമായി സമ്പര്ക്കം പുലര്ത്തിയവര് ആവശ്യമായ നടപടികള് സ്വീകരിക്കണമെന്നും അദ്ദേഹം പറഞ്ഞു.
രാജ്യത്തെ പ്രതിദിന കോവിഡ് കേസുകളുടെ എണ്ണം ഒരു ലക്ഷത്തിനടുത്തെത്തി. 24 മണിക്കൂറിനിടയില് 90,928 പേര്ക്കാണ് പുതിയതായി കോവിഡ് സ്ഥിരീകരിച്ചതെന്ന് കേന്ദ്ര ആരോഗ്യ മന്ത്രാലയം അറിയിച്ചു. 6.43 ശതമാനമാണ് രാജ്യത്തെ ടെസ്റ്റ് പോസിറ്റിവിറ്റി നിരക്ക്. ഒറ്റ ദിവസം കൊണ്ട് 55% വര്ധനവാണ് രേഖപ്പെടുത്തിയത്. ഇന്നലെ 58,097 പേര്ക്കാണ് രാജ്യത്ത് രോഗം സ്ഥിരീകരിച്ചത്.
325 കോവിഡ് മരണങ്ങളും സ്ഥിരീകരിച്ചു. ഇതോടെ രാജ്യത്തെ ആകെ കോവിഡ് മരണസംഖ്യ 4,82,876 ആയി ഉയര്ന്നു. 19,206 പേര് രോഗമുക്തി നേടി. രോഗമുക്തി നിരക്ക് 97.81 ശതമാനമാണ്. നിലവില് 2,85,401 പേരാണ് ചികിത്സയിലുള്ളത്. രാജ്യത്തെ പ്രതിവാര പോസിറ്റിവിറ്റി നിരക്ക് 3.47 ശതമാനമാണ്. ഇതുവരെ 148.67 കോടി വാക്സിന് ഡോസുകളാണ് വിതരണം ചെയ്തതെന്നും 68.53 കോടി കോവിഡ് പരിശോധനകള് ഇതുവരെ രാജ്യത്ത് നടത്തിയതായും മന്ത്രാലയം അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates