ന്യൂഡല്‍ഹി: ഡല്‍ഹിയില്‍ കഴിഞ്ഞ 24 മണിക്കൂറിനുള്ളില്‍ റിപ്പോര്‍ട്ട് ചെയ്തത് 405 കോവിഡ് പോസ്റ്റീവ് കേസുകള്‍. പതിമൂന്നു മരണവും റിപ്പോര്‍ട്ട് ചെയ്തിട്ടുണ്ടെന്ന് ഡല്‍ഹി ആരോഗ്യവകുപ്പ് അറിയിച്ചു.ഇതോടെ സംസ്ഥാനത്ത് ആകെ കോവിഡ് ബാധിതരുടെ എണ്ണം 7639ആയി. 86പേര്‍ മരണത്തിന് കീഴടങ്ങി.

2512പേരാണ് ഇതുവരെ കോവിഡില്‍ നിന്ന് മുക്തരായത്. അതേസമയം രാജ്യത്ത്  കോവിഡ് ബാധിതരുടെ എണ്ണം 70,000 കടന്നു. 70,756 പേര്‍ക്കാണ് കോവിഡ് സ്ഥിരീകരിച്ചത്. 24 മണിക്കൂറിനിടെ 3604 പേര്‍ക്കാണ് പുതുതായി രോഗം സ്ഥിരീകരിച്ചത്. 24 മണിക്കൂറിനിടെ 3604 പേര്‍ക്കാണ് പുതുതായി രോഗം സ്ഥിരീകരിച്ചത്.

ഒരു ദിവസത്തിനിടെ 87 പേരാണ് രാജ്യത്ത് മരിച്ചത്. ഇതോടെ രാജ്യത്ത് കോവിഡ് മരണം 2293 ആയി ഉയര്‍ന്നു. രാജ്യത്ത് മഹാരാഷ്ട്ര, ഗുജറാത്ത്, ഡല്‍ഹി, തമിഴ്‌നാട് സംസ്ഥാനങ്ങളിലാണ് സ്ഥിതി ഏറെ ആശങ്കാജനകമായി തുടരുന്നത്. മഹാരാഷ്ട്രയില്‍ 24 മണിക്കൂറിനിടെ കോവിഡ് ബാധിച്ച് 36 പേരാണ് മരിച്ചത്. മഹാരാഷ്ട്രയില്‍ ആകെ മരണം 868 ആയി.

മഹാരാഷ്ട്രയില്‍ ഇന്നലെ 1000 ലേറെ പേര്‍ക്കാണ് രോഗം സ്ഥിരീകരിച്ചത്. ഇതോടെ സംസ്ഥാനത്തെ കോവിഡ് രോഗികളുടെ എണ്ണം 23401 ആയി ഉയര്‍ന്നു. ഗുജറാത്തില്‍ 8542. തമിഴ്‌നാട് 8002,  രാജസ്ഥാന്‍ 3988, പശ്ചിമബംഗാള്‍ 2063 എന്നിങ്ങനെയാണ് രോഗബാധ സ്ഥിരീകരിച്ച് ചികില്‍സയിലുള്ളത്.