മുംബൈ: മഹാരാഷ്ട്രയില്‍ സെപ്റ്റിക് ടാങ്ക് വൃത്തിയാക്കുന്നതിനിടെ മൂന്ന് തൊഴിലാളികള്‍ ശ്വാസംമുട്ടി മരിച്ചു. പൊതു ശൗചാലയത്തിന്റെ സെപ്റ്റിക് ടാങ്ക് വൃത്തിയാക്കാന്‍ ഇറങ്ങിയപ്പോഴാണ് സംഭവം.

മുംബൈ കണ്ടിവാലിയില്‍ ഉച്ചയോടെയാണ് സംഭവം.ടാങ്കില്‍ ഇറങ്ങാതിരുന്നത് കാരണം ഇവരുടെ കൂടെ ഉണ്ടായിരുന്ന മറ്റൊരു തൊഴിലാളി രക്ഷപ്പെട്ടു. മൂന്ന് തൊഴിലാളികള്‍ സെപ്റ്റിക് ടാങ്കില്‍ കുടുങ്ങിയത് ശ്രദ്ധയില്‍പ്പെട്ടിട്ടും രക്ഷിക്കാന്‍ തയ്യാറാവാതെ കൂടെ വന്നയാള്‍ സ്ഥലത്ത് നിന്ന് കടന്നുകളയുകയായിരുന്നുവെന്ന് പൊലീസ് പറയുന്നു. 

നാട്ടുകാര്‍ വിവരം അറിയിച്ചതിനെ തുടര്‍ന്ന് അഗ്നിരക്ഷാ സേനയും പൊലീസും സംഭവ സ്ഥലത്തെത്തിയെങ്കിലും ജീവന്‍ രക്ഷിക്കാനായില്ല. അബോധാവസ്ഥയിലായ മൂവരെയും ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല എന്ന് പൊലീസ് പറയുന്നു.