ന്യൂഡല്ഹി: കാര്ഷിക നിയമങ്ങള് പിന്വലിക്കണമെന്ന് ആവശ്യപ്പെട്ടുള്ള കര്ഷകരുടെ പ്രതിഷേധം ഓരോ ദിവസം കഴിയുന്തോറും കൂടുതല് ശക്തമായി വരികയാണ്. ഡല്ഹിയുടെ അതിര്ത്തിയില് സമരം ചെയ്യുന്ന കര്ഷകര്ക്ക് ഐക്യദാര്ഢ്യം പ്രഖ്യാപിച്ച് രാജ്യത്തിന്റെ വിവിധ കോണുകളില് നിന്ന് കര്ഷകര് ഡല്ഹിയിലേക്ക് ഒഴുകി എത്തുകയാണ്. കഴിഞ്ഞ ദിവസം ട്രാക്ടര് ഓടിച്ച് സമരഭൂമിയില് എത്തിയ കര്ഷകരും സമരത്തിന് പിന്തുണ അറിയിച്ച് ആഢംബര കാര് ഉപേക്ഷിച്ച വരനും മറ്റും വാര്ത്തകളില് നിറഞ്ഞിരുന്നു.
അത്തരത്തില് വാര്ത്തകളില് നിറയുകയാണ് പട്യാലയില് നിന്നുള്ള 62കാരി. കര്ഷക പ്രക്ഷോഭത്തിന് ഐക്യദാര്ഢ്യം പ്രഖ്യാപിച്ച് 250 കിലോമീറ്റര് ദൂരം ജീപ്പ് ഓടിച്ചാണ് മഞ്ജീത്ത് കൗര് സമരഭൂമിയില് എത്തിയത്. ഡല്ഹിയിലെ സിംഘു അതിര്ത്തിയിലെ സമരരംഗത്തേയ്ക്ക് എത്താന് ജീപ്പില് ഇവര്ക്കൊപ്പം അഞ്ച് കൂട്ടുകാരികളും ഉണ്ടായിരുന്നു. ഇതിന്റെ ചിത്രമാണ് സോഷ്യല്മീഡിയയില് വ്യാപകമായി പ്രചരിക്കുന്നത്.കിസാന് ഏക്ത മോര്ച്ചയുടെ ട്വിറ്റര് ഹാന്ഡിലിലാണ് ചിത്രം പങ്കുവെച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates