ലക്‌നൗ: മദ്യപിച്ചതിനെ ചോദ്യം ചെയ്തതിന് എട്ട് മാസം ഗർഭിണിയായ ഭാര്യയെ ബൈക്കിൽ കെട്ടി റോഡിലൂടെ വലിച്ചിഴച്ച് യുവാവ്. യുപി പിലിബിത്തിൽ ശനിയാഴ്ച വൈകിട്ടോടെയാണ് സംഭവം. പിലിബിത്ത് സ്വദേശിയായ ഭർത്താവ് രാം​ഗോപാലിനെ പൊലീസ് അറസ്റ്റ് ചെയ്തു.

മദ്യലഹരിയിൽ വീട്ടിലെത്തിയ രാം​ഗോപാലിനോട് ഭാര്യ സുമർ ദേഷ്യപ്പെട്ടതാണ് ഇയാൾക്ക് പ്രകോപനമായത്. തുടർന്ന് ഇയാൾ സുമറിനെ മർദ്ദിക്കുകയും തന്റെ ബൈക്കിൽ കെട്ടി 200 മീറ്ററോളം വലിച്ചിഴച്ചു. നാട്ടുകാർ ഇയാളെ തടയാൻ ശ്രമിച്ചെങ്കിലും ഫലമുണ്ടായില്ല. ഒടുവിൽ രാം​ഗോപാലിന്റെ സ​ഹോദരൻ എത്തിയാണ് ഇയാളെ തടഞ്ഞത്. ​ഗുരുതരമായി പരിക്കേറ്റ സുമറിനെ ആശുപത്രിയിൽ  പ്രവേശിപ്പിച്ചു.

സുമറിന്റെ സഹോദരൻ നൽകിയ പരാതിയുടെ അടിസ്ഥാനത്തിലാണ് പൊലീസ് ഇയാൾക്കെതിരെ കേസെടുത്തത്. വധശ്രമം അടക്കമുള്ള കുറ്റങ്ങൾ ചുമത്തിയാണ് കേസെടുത്തിരിക്കുന്നത്. മൂന്ന് വർഷം മുൻപാണ് ഇവരുടെ വിവാഹം കഴിഞ്ഞത്. രാം​ഗോപാൽ ലഹരിക്കും മയക്കുമരുന്നിനും അടിമയായിരുന്നു ഇതേ ചൊല്ലി ഇരുവരും തമ്മിൽ തർക്കം പതിവായിരുന്നെന്നും നാട്ടുകാർ ആരോപിച്ചു.

ഈ വാര്‍ത്ത കൂടി വായിക്കൂ 

വളര്‍ത്തുനായയെ ചൊല്ലി തര്‍ക്കം; 50കാരന് നേരെ ആഡിഡ് ഒഴിച്ച് അയല്‍വാസി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ