അയോധ്യ: അയോധ്യയിലെ രാമക്ഷേത്രത്തിന് സമീപത്ത് കോടിക്കണക്കിന് രൂപ ചെലവിട്ട് ബോളിവുഡ് സൂപ്പര്‍ താരം അമിതാഭ് ബച്ചന്‍ സ്ഥലം വാങ്ങിയതായി റിപ്പോര്‍ട്ട്. എത്ര സെന്റ് ഭൂമിയാണ് വാങ്ങിയതെന്നും എത്ര വിലയ്ക്കാണ് വാങ്ങിയതെന്നും വെളിപ്പെടുത്തിയിട്ടില്ല. ഏകദേശം പതിനായിരം സ്‌ക്വയര്‍ ഫീറ്റ് ഭുമിയാണെന്നും ഇതിനായി 14.5 കോടി രൂപ ചെലവിട്ടെന്നാണ് റിപ്പോര്‍ട്ടുകള്‍ പറയുന്നത്.

സരയൂ തീരത്ത് 51 ഏക്കര്‍ നീണ്ടുകിടക്കുന്ന രാമക്ഷേത്രത്തിന്റെ പ്രതിഷ്ഠാ ചടങ്ങുകള്‍ ജനുവരി 22ന് നടക്കും. പ്രധാനമന്ത്രി നരേന്ദ്രമോദി ഉള്‍പ്പടെയുള്ള പതിനൊന്നായിരം ക്ഷണിക്കപ്പെട്ട അതിഥികള്‍ ചടങ്ങില്‍ പങ്കെടുക്കും. അമിതാഭ് ബച്ചന്‍ ഉള്‍പ്പടെ നിരവധി ബോളിവുഡ് താരങ്ങള്‍ക്ക് ചടങ്ങിലേക്ക് ക്ഷണമുണ്ട്.

അയോധ്യയ്ക്ക് തന്റെ ഹൃദയത്തിൽ പ്രത്യേക സ്ഥാനമുണ്ടെന്ന് അമിതാഭ് ബച്ചൻ പറഞ്ഞു. അയോധ്യയിലെ ആത്മീയതയും സംസ്കാര സമ്പന്നതയും അതിർത്തികൾക്കപ്പുറം വൈകാരികമായ ബന്ധം സൃഷ്ടിക്കുന്നു. ആഗോള ആത്മീയ കേന്ദ്രത്തിൽ ഒരു വീട് നിർമിക്കാൻ താൻ ആഗ്രഹിക്കുന്നുവെന്നും ബച്ചൻ പറഞ്ഞു.

അമിതാഭിന്റെ ജന്മസ്ഥമായ അലഹബാദില്‍ നിന്ന് അയോധ്യയിലേക്ക് നാലുമണിക്കൂര്‍ ദുരമാണ് ഡ്രൈവ് സമയം. മുംബൈ ആസ്ഥാനമായി പ്രവർത്തിക്കുന്ന ഹൗസ് ഓഫ് അഭിനന്ദൻ ലോധയിൽ (എച്ച്ഒഎബിഎൽ) നിന്നാണ് ബച്ചൻ സ്ഥലം വാങ്ങിയത്.

ഈ വാര്‍ത്ത കൂടി വായിക്കൂ

രാജ്യം ഇന്ന് കരസേനാ ദിനം ആചരിക്കുന്നു; ശൗര്യസന്ധ്യയില്‍ പ്രതിരോധമന്ത്രി പങ്കെടുക്കും

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ