അമരാവതി: മൃഗങ്ങളുടെ സംരക്ഷണത്തിന് മൊബൈല്‍ ആംബുലന്‍സുമായി ജഗന്‍ മോഹന്‍ റെഡ്ഡി സര്‍ക്കാര്‍. ദുരിതം അനുഭവിക്കുന്ന മൃഗങ്ങളെ കണ്ടെത്തുകയും അവയ്ക്ക് ശരിയായ സംരക്ഷണം ഉറപ്പുവരുത്തുകയുമാണ് പദ്ധതിയിലൂടെ ആന്ധ്രാപ്രദേശ് സര്‍ക്കാര്‍ ലക്ഷ്യമിടുന്നത്.
എല്ലാ നിയമസഭാ മണ്ഡലങ്ങളിലും ഒരു മൊബൈല്‍ ആംബുലന്‍സ് വെറ്റിനറി ക്ലിനിക്കുകള്‍ സ്ഥാപിക്കാന്‍ മൃഗസംരക്ഷണവകുപ്പിന് നിര്‍ദേശം നല്‍കി. 175 മൊബൈല്‍ ആംബുലന്‍സുകള്‍ക്കാണ് അനുമതി നല്‍കിയത്. 108ല്‍ വിളിച്ചാല്‍ സേവനം വീട്ടുപടിക്കല്‍ എത്തും.
ഓരോ ആംബുലന്‍സിലും ഒരു ഡോക്ടര്‍, ഒരു സഹായി എന്നിവരുണ്ടാകും. 24മണിക്കൂറും പ്രവര്‍ത്തിക്കുന്ന ടോള്‍ ഫ്രീ കോള്‍ സെന്റര്‍ ആംബുലന്‍സില്‍ ക്രമീകരുക്കും. സംസ്ഥാനത്തൊട്ടാകെ 1,576 വെറ്റിനറി ഡിസ്‌പെന്‍സറികള്‍ സ്ഥാപിച്ചിട്ടുണ്ടെന്നും 1,376 വെറ്റിനറി ഡോക്ടര്‍മാരെ നിയമിച്ചതായും മുഖ്യമന്ത്രി അറിയിച്ചു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates