ന്യൂഡല്‍ഹി: രാജ്യത്ത് ഇന്നലെയും കോവിഡ് രോഗമുക്തരേക്കാള്‍ കൂടുതല്‍ കോവിഡ് ബാധിതര്‍. കഴിഞ്ഞ 24 മണിക്കൂറിനിടെ 39,379 പേര്‍ രോഗമുക്തി നേടിയപ്പോള്‍ 43,082 പേര്‍ക്കു വൈറസ് ബാധ സ്ഥിരീകരിച്ചു.

ഇന്നലത്തേത് ഉള്‍പ്പെടെ ഇന്ത്യയില്‍ ഇതുവരെ കോവിഡ് സ്ഥിരീകരിച്ചവരുടെ എണ്ണം 93,09,788 ആയി. 492 പേരാണ് ഇന്നലെ മാത്രം കോവിഡ് മൂലം മരിച്ചത്. ഇതോടെ രാജ്യത്തെ കോവിഡ് മരണം 1,35,715 ആയി. 

നിലവില്‍ 4,55,555 പേരാണ് കോവിഡ് ബാധിച്ചു ചികിത്സയില്‍ ഉള്ളത്. 87,18,517 പേര്‍ ഇതുവരെ രോഗമുക്തി നേടിയെന്ന കേന്ദ്ര ആരോഗ്യമന്ത്രാലയം അറിയിച്ചു.