പ്രതീകാത്മക ചിത്രം  
India

മദ്യം വാങ്ങിയപ്പോള്‍ സഞ്ചിക്ക് 20 രൂപ വാങ്ങി; 5000 രൂപ നഷ്ടപരിഹാരം നല്‍കാന്‍ ഉത്തരവ്

കഴിഞ്ഞ വര്‍ഷം ജൂണിലാണ് പരാതിക്കാരന്‍ പ്രമുഖ ബ്രാന്‍ഡിന്റെ ഷോറൂമില്‍നിന്ന് 2170 രൂപയ്ക്ക് മദ്യം വാങ്ങിയത്.

Author : സമകാലിക മലയാളം ഡെസ്ക്
Edited By : Sujith

ബംഗളൂരു: മദ്യം വാങ്ങിയപ്പോള്‍ സഞ്ചിക്ക് 20 രൂപ ഈടാക്കിയതിനെ തുടര്‍ന്ന് ഉപഭോക്താവിന് 5000 രൂപ നഷ്ടപരിഹാരം നല്‍കാന്‍ ഉപഭോക്തൃതര്‍ക്ക പരിഹാര കമ്മീഷന്‍ ഉത്തരവിട്ടു. ബംഗളൂരുവിലെ സ്വകാര്യ മദ്യവില്‍പനശാലയോടാണ് സഞ്ചിയുടെ വിലയായ 20 രൂപയും നഷ്ടപരിഹാരത്തുകയായി 5000 രൂപയും കോടതി ചെലവായി 3000 രൂപയും നഷ്ടപരിഹാരം നല്‍കാന്‍ ഉത്തരവിട്ടത്.

കഴിഞ്ഞ വര്‍ഷം ജൂണിലാണ് പരാതിക്കാരന്‍ പ്രമുഖ ബ്രാന്‍ഡിന്റെ ഷോറൂമില്‍നിന്ന് 2170 രൂപയ്ക്ക് മദ്യം വാങ്ങിയത്. മദ്യക്കുപ്പികള്‍ ഇട്ടുകൊണ്ടുപോകുന്നതിന് സഞ്ചി ആവശ്യപ്പെട്ടപ്പോള്‍ സ്ഥാപനത്തിന്റെ പേരും ലോഗോയുമുള്ള സഞ്ചി നല്‍കി. ഇതിനായി 20 രൂപയുടെ ബില്ലും നല്‍കി. സ്ഥാപനത്തിന്റെ പരസ്യമുള്ള സഞ്ചിക്ക് പണംനല്‍കാന്‍ കഴിയില്ലെന്ന് പറഞ്ഞെങ്കിലും ജീവനക്കാര്‍ സമ്മതിച്ചില്ല. തുടര്‍ന്നാണ് യുവാവ് ഉപഭോക്തൃ തര്‍ക്കപരിഹാര കമ്മിഷനെ സമീപിച്ചത്.

താന്‍ നല്‍കിയ 20 രൂപയും 25000 രൂപ നഷ്ടപരിഹാരവും ആവശ്യപ്പെട്ടായിരുന്നു പരാതി നല്‍കിയത്.സ്ഥാപനത്തിന്റെ പരസ്യത്തിനായി നല്‍കുന്ന സഞ്ചിക്ക് പണം ഈടാക്കേണ്ടതില്ലായെന്നായിരുന്നു ഉപഭോക്തൃ കമ്മീഷന്റെ നിരീക്ഷണം.

Bengaluru Consumer Court Penalizes Liquor Store for Charging ₹20 for Branded Bag

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'ഒരാളുടെയും ശുപാര്‍ശ കേള്‍ക്കരുത്'; റോഡു സുരക്ഷാ നിയമം കര്‍ശനമായി നടപ്പാക്കും, ജനപ്രതിനിധികള്‍ ഇടപെടരുതെന്ന് മുഖ്യമന്ത്രി

അച്ഛനറിയാതെ ആദരമൊരുക്കി മക്കൾ; സപ്തതിയിൽ സ്നേഹസൗഹൃദങ്ങളുടെ അപൂർവ സംഗമം

ഐരാവത്, രാജഹംസ, നോണ്‍ എസി സ്ലീപ്പര്‍...; പമ്പയിലേക്ക് പ്രതിദിന സര്‍വീസുകളുമായി കര്‍ണാടക ആര്‍ടിസി

റോഡിൽ കളിച്ചതിന് വഴക്ക്; മൈതാനം വേണമെന്നാവശ്യപ്പെട്ട് കുട്ടികളുടെ പരാതി, ഒടുവിൽ കളിക്കാൻ ഇടം

വീണ്ടും ഇടിവ്, സ്വര്‍ണവില ഒരുലക്ഷത്തിന് അടുത്ത്; പവന് 600 രൂപ കുറഞ്ഞു