ന്യൂഡല്‍ഹി: ജമ്മു കശ്മീര്‍ നിയമസഭ തെരഞ്ഞെടുപ്പില്‍ പ്രസിദ്ധീകരിച്ച ആദ്യഘട്ട സ്ഥാനാര്‍ത്ഥി പട്ടിക പിന്‍വലിച്ച് ബിജെപി. 44 സ്ഥാനാര്‍ത്ഥികളുടെ പട്ടികയാണ് രാവിലെ ബിജെപി പ്രസിദ്ധീകരിച്ചത്. പിന്നീട് ബിജെപി കേന്ദ്രനേതൃത്വം പട്ടിക പിന്‍വലിച്ചു. തുടര്‍ന്ന് 15 അംഗ സ്ഥാനാര്‍ത്ഥി പട്ടിക പ്രസിദ്ധീകരിക്കുകയും ചെയ്തു.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

പുതിയ പട്ടികയില്‍ മൂന്ന് പ്രമുഖരുടെ പേരുകള്‍ ഒഴിവാക്കിയിട്ടുണ്ട്. ജമ്മു കശ്മീര്‍ ബിജെപി അധ്യക്ഷന്‍ രവീന്ദര്‍ റെയ്ന, മുന്‍ ഉപ മുഖ്യമന്ത്രിമാരായ നിര്‍മല്‍ സിങ്, കവിന്ദര്‍ ഗുപ്ത എന്നിവരുടെ പേരുകളാണ് പട്ടികയില്‍ കാണാതായത്. അതേസമയം കേന്ദ്രമന്ത്രി ഡോ ജിതേന്ദ്ര സിങ്ങിന്റെ സഹോദരന്‍ ദേവേന്ദ്ര റാണയുടെ പേര് പട്ടികയിലുണ്ട്.

ആദ്യം പുറത്തുവിട്ട പട്ടിക പിന്‍വലിച്ച് പുതിയ പട്ടിക പുറത്തുവിട്ടതിന്, ആദ്യഘട്ടത്തിലെ സ്ഥാനാര്‍ത്ഥി പട്ടികയാണ് പ്രസിദ്ധീകരിച്ചതെന്നാണ് ബിജെപിയുടെ വിശദീകരണം. രണ്ട് കശ്മീരി പണ്ഡിറ്റുകളും 14 മുസ്ലീം സ്ഥാനാര്‍ത്ഥികളും ആദ്യ പട്ടികയില്‍ ഇടംപിടിച്ചിരുന്നു. കശ്മീരിലെ 90 അംഗ നിയമസഭയിലേക്ക് സെപ്റ്റംബര്‍ 15, 28, ഒക്ടോബര്‍ 1 എന്നിങ്ങനെ മൂന്നു ഘട്ടമായിട്ടാണ് തെരഞ്ഞെടുപ്പ്.