ന്യൂഡൽഹി: അതിർത്തിയിൽ മധുരം പങ്കിട്ട് ഇന്ത്യ - പാകിസ്ഥാൻ സൈനികർ. ദീപാവലിയുടെ ഭാഗമായാണ് സൈനികർ മധുരം പങ്കിട്ടത്. നിയന്ത്രണ രേഖയ്ക്ക് സമീപം തിത്വൽ പാലത്തിൽ വെച്ചാണ് ഇരു സൈനികരും തമ്മിൽ മധുര കൈമാറ്റം നടത്തിയതെന്ന് എഎൻഐ റിപ്പോർട്ട് ചെയ്തു.

വാഗാ അതിർത്തിയിലും ഗുജറാത്തിലെ ഇന്ത്യാ - പാകിസ്ഥാൻ അതിർത്തിയിലും രാജസ്ഥാനിലെ ബർമെർ മേഖലയിലും സമാന രീതിയിൽ ഇരു സൈനികരും മധുര കൈമാറ്റം നടത്തി. ഇന്ത്യ - ബംഗ്ലാദേശ് അതിർത്തിയിലും സൈനികർ മധുരം കൈമാറി. 

ഈദ്, ഹോളി, ദീപാവലി മറ്റ് ദേശീയ ആഘോഷങ്ങളുടെ സമയങ്ങളിലും ഇത്തരത്തിൽ മധുര വിതരണം സൈനികർ തമ്മിൽ നടത്താറുണ്ട്.