ന്യൂഡല്‍ഹി: ഓട്ടോറിക്ഷ മറിഞ്ഞ് ഗുരുതരമായി പരിക്കേറ്റ പ്രായപൂര്‍ത്തിയാവാത്ത ആണ്‍കുട്ടിയെ വഴിയില്‍ ഉപേക്ഷിച്ച് കടന്നുകളഞ്ഞ് സുഹൃത്തുക്കള്‍. അപകടത്തില്‍ പരിക്കേറ്റ കുട്ടിയെ ആശുപത്രിയില്‍ എത്തിക്കുന്നതിന് പകരം സുഹൃത്തുകള്‍ അടിപ്പാതയില്‍ ഉപേക്ഷിച്ച് കടന്നുകളയുകയായിരുന്നുവെന്ന് പൊലീസ് പറയുന്നു. കുട്ടിക്ക് പിന്നീട് മരണം സംഭവിച്ചതായി പൊലീസ് സ്ഥിരീകരിച്ചു. സംഭവത്തില്‍ സുഹൃത്തുക്കളായ മൂന്ന് പേരെ അറസ്റ്റ് ചെയ്തതായും അന്വേഷണം പുരോഗമിക്കുന്നതായും പൊലീസ് അറിയിച്ചു.
ഡല്‍ഹിയിലെ വിവേക് വിഹാര്‍ ഏരിയയിലാണ് സംഭവം. നാലു സുഹൃത്തുക്കള്‍ സഞ്ചരിച്ച ഓട്ടോറിക്ഷ മറിഞ്ഞാണ് അപകടം ഉണ്ടായത്. അപകടത്തില്‍ സുഹൃത്തുക്കളില്‍ ഒരാള്‍ക്ക് പരിക്കേറ്റു. ഈ കുട്ടിയാണ് പിന്നീട് മരിച്ചത്.
പരിക്കേറ്റ കുട്ടിയെ ആ ഓട്ടോറിക്ഷയില്‍ തന്നെ സുഹൃത്തുക്കള്‍ കൊണ്ടുപോയി. ആശുപത്രിയില്‍ എത്തിക്കുന്നതിന് പകരം, വിവേക് വിഹാര്‍ മേഖലയിലെ അടിപ്പാതയില്‍ ഉപേക്ഷിച്ച് സുഹൃത്തുക്കള്‍ കടന്നുകളയുകയായിരുന്നുവെന്ന് പൊലീസ് പറയുന്നു. മൂന്ന് സുഹൃത്തുക്കളില്‍ ഒരാളാണ് ഓട്ടോറിക്ഷയുടെ ഉടമ.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates