ഗോലാഘട്ട് : ദുര്‍മന്ത്രവാദിനി എന്നാരോപിച്ച് 70 വയസ്സുള്ള വൃദ്ധയെ ഒരു സംഘം തല്ലിച്ചതച്ചു. ക്രൂരമര്‍ദ്ദനമേറ്റ വൃദ്ധ ആശുപത്രിയില്‍ ചികില്‍സയിലാണ്. അസമിലെ ഗോലാഘട്ട് ജില്ലയിലെ മിസമോറ തേയിലത്തോട്ടത്തില്‍ ബുധനാഴ്ച രാത്രിയാണ് സംഭവം.

ഒരുപറ്റം ആളുകള്‍ കൂട്ടമായെത്തി വൃദ്ധയെ ദുര്‍മന്ത്രവാദിനി എന്നാരോപിച്ച് മര്‍ദ്ദിക്കുകയായിരുന്നു. വിവരം അറിഞ്ഞ് പൊലീസ് എത്തിയപ്പോഴേക്കും അക്രമികള്‍ രക്ഷപ്പെട്ടു. ഗുരുതരമായി പരിക്കേറ്റ വൃദ്ധയെ ആശുപത്രിയിലാക്കി. അക്രമികലെ കണ്ടെത്താന്‍ അന്വേഷണം ഊര്‍ജ്ജിതമാക്കിയതായി പൊലീസ് അറിയിച്ചു.