ലക്‌നൗ: വിവാഹാഘോഷ ചടങ്ങിനിടെ വെടിയുതിര്‍ത്ത വധുവിനെതിരെ പൊലീസ് കേസ് എടുത്തു. ഉത്തര്‍പ്രദശിലെ പ്രതാപ്ഗഡിലാണ് സംഭവം.
ഇതിന്റെ വീഡിയോ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു.

ആഭരണങ്ങള്‍ ധരിച്ച വധു താലി ചാര്‍ത്താനായി വിവാഹപന്തലിലേക്ക് കയറുന്നതിനിടെ സമീപത്തുനിന്ന അമ്മാവന്റെ കൈയില്‍ നിന്നും തോക്ക് വാങ്ങിയ ശേഷം മുകളിലോട്ട് വെടിയുതിര്‍ക്കുകയായിരുന്നു. അതിന് ശേഷമാണ് വധു വരന്റെ കഴുത്തില്‍ താലി ചാര്‍ത്തിയത്. ശനിയാഴ്ചയായിരുന്നു വിവാഹം. 

വീഡിയോ പുറത്തുവന്നതിന് പിന്നാലെയാണ് പൊലീസ് യുവതിക്കെതിരെ കേസ് എടുത്തത്. കേസില്‍ അന്വേഷണം പുരോഗമിക്കുകയാണെന്നും പൊലീസ് പറഞ്ഞു