പ്രതീകാത്മക ചിത്രം 
India

'മാന്ത്രിക ബള്‍ബ്' കൈവശം വച്ചാല്‍ 'വച്ചടി കയറ്റം', സ്വര്‍ണത്തെ ആകര്‍ഷിക്കും; ബിസിനസുകാരനില്‍ നിന്ന് ലക്ഷങ്ങള്‍ തട്ടി, കേസ് 

ഉത്തര്‍പ്രദേശില്‍ സ്വര്‍ണം ഉള്‍പ്പെടെ വിലപ്പിടിപ്പുള്ള ലോഹങ്ങളെ ആകര്‍ഷിക്കാന്‍ കഴിവുള്ള 'മാന്ത്രിക ബള്‍ബ്' എന്ന് പറഞ്ഞ് ബിസിനസുകാരനെ കബളിപ്പിച്ച് ലക്ഷങ്ങള്‍ തട്ടി

സമകാലിക മലയാളം ഡെസ്ക്

ലക്‌നൗ: ഉത്തര്‍പ്രദേശില്‍ സ്വര്‍ണം ഉള്‍പ്പെടെ വിലപ്പിടിപ്പുള്ള ലോഹങ്ങളെ ആകര്‍ഷിക്കാന്‍ കഴിവുള്ള 'മാന്ത്രിക ബള്‍ബ്' എന്ന് പറഞ്ഞ് ബിസിനസുകാരനെ കബളിപ്പിച്ച് ലക്ഷങ്ങള്‍ തട്ടി. മൂന്ന് പേരടങ്ങുന്ന സംഘം ബിസിനസുകാരനില്‍ നിന്ന് 9 ലക്ഷം രൂപ തട്ടിയെടുത്തതായി പൊലീസ് പറയുന്നു.

ബറേലിയിലാണ് സംഭവം. സ്വര്‍ണം ഉള്‍പ്പെടെ വിലപ്പിടിപ്പുള്ള ലോഹങ്ങളെ ആകര്‍ഷിക്കാന്‍ കഴിവുള്ള മാന്ത്രിക ബള്‍ബ് കൈവശം വച്ചാല്‍ അഭിവൃദ്ധി ഉണ്ടാകുമെന്ന് പറഞ്ഞാണ് ബിസിനസുകാരനെ സംഘം കബളിപ്പിച്ചതെന്ന് പൊലീസ് പറയുന്നു. പ്രത്യേകതരം മാഗ്നെറ്റ് ഉപയോഗിച്ച് ചില പൊടികൈകള്‍ കാണിച്ചാണ് ബിസിനസുകാരന്റെ വിശ്വാസം സംഘം നേടിയെടുത്തത്.

കോവിഡ് പശ്ചാത്തലത്തില്‍ ബിസിനസുകാരന് വലിയ തോതിലുള്ള നഷ്ടം നേരിട്ടിരുന്നു. എളുപ്പത്തില്‍ പണം ഉണ്ടാക്കാനുള്ള വഴി തേടി നടന്ന ബിസിനസുകാരന്‍ തട്ടിപ്പ് സംഘം വിരിച്ച വലയില്‍ വീഴുകയായിരുന്നുവെന്ന് പൊലീസ് പറയുന്നു. 

നിതേഷ് മല്‍ഹോത്ര എന്ന ബിസിനസുകാരനാണ് തട്ടിപ്പിന് ഇരയായത്. 9 ലക്ഷം രൂപ കൊടുത്താണ് മാന്ത്രിക ബള്‍ബ് എന്ന് വിളിക്കുന്ന എല്‍ഇഡി ബള്‍ബ്് ബിസിനസുകാരന്‍ വാങ്ങിയത്. പ്രതികള്‍ക്കെതിരെ കേസ് രജിസ്‌ററര്‍ ചെയ്ത് പൊലീസ് അന്വേഷണം ആരംഭിച്ചിട്ടുണ്ട്.
 

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

മസാല ബോണ്ട്: ഇ ഡി നോട്ടീസ് റദ്ദാക്കണം; മുഖ്യമന്ത്രി ഹൈക്കോടതിയില്‍

പ്ലസ് വണ്‍ വിദ്യാര്‍ഥിനിയുടെ കൈയില്‍ വിലകൂടിയ ഫോണ്‍; തിരക്കിയപ്പോള്‍ തെളിഞ്ഞത് പീഡനവിവരം; ബസ് ഡ്രൈവര്‍ അറസ്റ്റില്‍

മാറ്റിവച്ച തെരഞ്ഞെടുപ്പ് ജനുവരി 12ന്

കൊല്ലം മെഡിക്കൽ കോളജിൽ സീനിയർ റസിഡന്റ് , തിരുവനന്തപുരം എൻജിനിയറിങ് കോളജിൽ അസിസ്റ്റന്റ് പ്രൊഫസർ ഒഴിവുകൾ

ശബരിമലയില്‍ റെക്കോര്‍ഡ് വരുമാനം, 200 കോടി പിന്നിട്ടു; അരവണ നിയന്ത്രണം തുടരും

SCROLL FOR NEXT