വേഗതയുടെ പര്യായമാണ് ചീറ്റ. അതിവേഗത്തിലാണ് ചീറ്റ ഇരയെ പിടിക്കുന്നത്. ഇപ്പോള്‍ പതുങ്ങിയിരുന്ന് മാനിനെ പിടിക്കുന്ന ചീറ്റയുടെ ദൃശ്യങ്ങളാണ് വൈറലാകുന്നത്.

സുരേന്ദര്‍ മെഹ്‌റ ഐഎഫ്എസ് പങ്കുവെച്ച വീഡിയോയാണ് വ്യാപകമായി പ്രചരിക്കുന്നത്. പുല്ല് തിന്നുകയാണ് മാന്‍. മാനിനെ കണ്ടതോടെ ഇതിനെ ഒരു പിഴവും കൂടാതെ പിടികൂടാന്‍ ചീറ്റ പ്രയോഗിക്കുന്ന തന്ത്രമാണ് വീഡിയോയുടെ ഹൈലൈറ്റ്. 

പതുങ്ങി നിന്ന് മാനിന് ഒരു സംശയവും തോന്നാത്ത വിധമാണ് ചീറ്റയുടെ ഓരോ നീക്കവും. സമയമെടുത്താണ് ചീറ്റ മാനിന്റെ അടുത്ത് എത്തുന്നത്. അവസാന നിമിഷം വരെ ഇരയ്ക്ക് രക്ഷപ്പെടാന്‍ ഒരു പഴുതും നല്‍കാതെ ചീറ്റ മാനിനെ പിടികൂടുന്നതാണ് വീഡിയോയുടെ അവസാനം.