മുംബൈ: മഹാരാഷ്ട്രയില്‍ നടുറോഡില്‍ 14കാരിയെ മൂന്ന് പേര്‍ ചേര്‍ന്ന് കുത്തിക്കൊന്നു. അകന്ന ബന്ധുവിന്റെ പ്രണയാഭ്യര്‍ഥന നിരസിച്ചതാണ് കൊലപാതകത്തില്‍ കലാശിച്ചതെന്നാണ് പൊലീസിന്റെ പ്രാഥമിക നിഗമനം.

പുനെയില്‍ ചൊവ്വാഴ്ച വൈകീട്ടാണ് സംഭവം. കബഡി പരിശീലനത്തിനായി പോകവേ വഴിമധ്യത്തില്‍ വച്ച് എട്ടാം ക്ലാസുകാരിയെ ആക്രമിക്കുകയായിരുന്നു. ബൈക്കില്‍ എത്തിയ 22കാരന്‍ അടക്കമുള്ള മൂന്നംഗ സംഘം മൂര്‍ച്ചയേറിയ ആയുധം ഉപയോഗിച്ച് ആക്രമിക്കുകയായിരുന്നുവെന്ന് പൊലീസ് പറയുന്നു. നിരവധി തവണയാണ് മൂര്‍ച്ചയേറിയ ആയുധം ഉപയോഗിച്ച് ആക്രമിച്ചത്. 

പെണ്‍കുട്ടി തത്ക്ഷണം മരിച്ചതായി പൊലീസ് പറയുന്നു. സംഭവത്തിന് പിന്നാലെ ഒളിവില്‍ പോയ പ്രതികള്‍ക്കായി പൊലീസ് തെരച്ചില്‍ ആരംഭിച്ചിട്ടുണ്ട്.